Portugalia dhe Spanja dhuruan spektakël në ndeshjen e mbrëmjes së ditës së dytë të Botërorit, pas dy ndeshjeve të tjera të së premtes që përfunduan me vetëm nga një gol secila.
3-3 rezultati përfundimtar i një përballjeje fantastike, ku protagonisti kryesor ishte Cristiano Ronaldo me 3 gola.
Sulmuesi i Realit shënoi me 11-metërsh, me të majtën nga jashtë zone dhe me goditje dënimi, duke i dhuruar një pikë ekipit të tij.
Ndërkohë, për Spanjën shënuan dy herë Diego Costa dhe Nacho, i cili shënoi ndoshta golin më të bukur të takimit.
Ndeshja
Portugalia e mbylli pjesën e parë me avantazhin 2-1, me dy gola të Ronaldos, ndërsa Diego Costa ishte autori i rrjetës së spanjollëve.
Në pjesën e dytë Spanja barazon. Është përsëri Diego Costa që e dërgon topin në rrjetën e portugezëve, 2-2.
Spanja përmbys në të 58’, ku ylli i Realit, Nacho, shënon një supergol.
Por mendon Ronaldo për Portugalinë. Goditje dënimi dhe CR7 ekzekuton mjeshtërisht, duke e dërguar topin në trekëndësh, për të barazuar 3-3.
