Bota

Zhvlerësimi i vazhdueshëm i monedhës, Irani shkarkon ministrin e Financave






               Publikuar në : 22:29 - 26/08/18 |
mapo.al

Ministri iranian i Financave, Masoud Karbasiani është shkarkuar sot, pasi parlamenti votoi me 137 vota kundër tij, në një votim të mbajtur gjatë ditës së sotme.


Shkarkimi i tij vjen pas një përkeqësimi të ndjeshëm të gjendjes ekonomike në vend dhe një zhvlerësimi të frikshëm të monedhës vendase Rial, që ka humbur gjysmën e vlerës së saj që nga muaji prill.

Pikërisht në atë periudhë presidenti Donald Trump njoftoi daljen e SHBA-ve nga marrëveshja bërthamore me Iranin, e nënshkruar në vitin 2015 mes vendit islamik dhe disa shteteve të mëdha perëndimore.

Që atëherë, ekonomia iraniane është prekur në mënyrë të vazhdueshme nga efektet e sanksioneve të para të Trump, që hynë në fuqi në Gusht dhe disa të tjerave që synojnë tregtinë e naftës dhe hyjnë në fuqi në nëntor.

Vetë autoritetet iraniane janë të bindura se i gjithë ky efekt negativ në ekonominë e vendit, që po përballet mes të tjerash edhe me një papunësi në rritje, vjen vetëm si pasojë e luftës psikologjike që SHBA-të i kanë shpallur Iranit dhe partnerëve të tij ekonomikë.


Etiketa: , , , ,

KOMENTO (0)

Shkruaj nje koment

Your email address will not be published. Required fields are marked *

* *

CLOSE
CLOSE
Pas