Zbulohet misteri i vajzës që qante natën në varreza

KMR



               Publikuar në : 20:58 - 11/05/18 |
enton palushi
 Vajza e re që për 5 netë alarmoi një qytet të tërë në Turqi me të qarat e saj në varreza është gjetur.

Sipas “HaberTurk”, e reja që vajtonte dhe fliste tek varri i një gruaje që kishte humbur jetën dekada më parë, është gjetur në shtëpinë e saj afër varrezave pas ndjekjes së gjurmëve të saj në kamerat e sigurisë.


 Adoleshentja, identiteti i saktë i të cilës nuk bëhet i ditur, raportohet se vuante nga probleme mendore. Ajo është dërguar në spital për mjekim para se të dërgohej në drejtorinë e policisë, nga ku iu është dorëzuar sërish të afërmve.

Sipas medias turke, për herë të parë e reja është parë në varrezat e Çorumit, në Turqi, natën e 26 Prillit, për të vazhduar më pas edhe 4 netë të tjera.  Punonjësit e varrezave thanë se e reja ka shkuar tek varri i Fatma Ç., e cila ka humbur jetën në vitin 1982. Sipas tyre ajo dëgjohej tek fliste me vete dhe qante.

Lëvizjet e saj dhe të shumë personave kureshtarë që janë afruar natën tek varrezat për të parë kush ishte ajo, kanë vënë në alarm edhe forcat e policisë, të cilët megjithëse vendosën kamera, nuk kanë arritur ta identifikojnë për më shumë se dy javë.

Ngjarja, e cila çoi në mbledhjen e rreth 300 personave pranë varrezave në fillim të këtij muaji, ka ngjallur interes të madh edhe në mediat ndërkombëtare.

KOMENTO (0)

Shkruaj nje koment

Your email address will not be published. Required fields are marked *

* *

Pas