Aktualitet

Zamira Kita: Plotësisht dakord për prishjen e godinës aktuale dhe ndërtimit të një teatri të ri

Aktorja e njohur  Zamira Kita, shpreh  nevojën urgjente për ndërtimin e një godine të re që do të shërbejë si Teatër Kombëtar, pikërisht në vendin ku sot gjendet godina e vjetër. Në një prononcim për Koha Jona, aktorja korçare thekson se teatri i ri duhet të jetë  shumë funksional dhe  me çdo komoditet të nevojshëm për aktorët dhe spektatorin. Duke sjellë përvojën pozitive të ndërtimit të Teatrit të Korçës, Zamira Kita është e sigurt se edhe godina e re e Teatrit Kombëtar do të jetë shumë e mirë. “Jam plotësisht dakord për prishjen e teatrit dhe për ndërtimin e një teatri të ri, i cili padyshim do të përmbushë kushtet e nevojshme elementare që i duhen një Teatri Kombëtar. Teatrit ekzistues i mungon çdo gjë. Ndërtimin e teatrit të ri e mendoj, pikërisht në vendin ku ndodhet Teatri Kombëtar sot. Ai duhet të jetë një teatër shumë funksional, me çdo komoditet të nevojshëm, me çdo lehtësirë për aktorët, i bukur dhe komod edhe për publikun, me disa salla provash dhe disa salla shfaqjesh. Duke patur përvojën e Teatrit të Korçës, kam bindjen se do të kemi një teatër shumë të mire. E rëndësishme është të prodhojmë vepra të bukura dhe cilësore”, shprehet aktorja korçare Zamira Kita.

 



PasPara

1 koment

  1. Teatri i Korces mbytet nga uji sa here bie shi sepse kupola prej xhami eshte skandal, vendet ku ulen spektatoret jane skandal, gjunjet te zene tek stolat para, po u cua nje njeri nga mesi i rrjeshtit duhet te cohet i gjithe rrjeshti, llozhen ekzistuese dhe ballkonet i prishen, per c’fare teater modern flet zamira. Ne nje shfaqje opere, vendi i caktuar per orkestren nuk ishte i mjaftueshem, nuk i nxinte te gjithe. S’ka faj eshte e partise ne pushtet dhe ashtu i duhet te thote

Leave a Reply

Your email address will not be published. Required fields are marked *



CLOSE
CLOSE
Pas