Kronika, Kryesore

Vrasja në ish-Bllok/ Hoxha: Autori s’u larguar nga vendngjarja. Martinaj humbi 2 litra…

Gazetari Artan Hoxha ka rrëfyer të enjten në studion e emisionit ‘Opinion’ të gjithë ngjarjen e përplasjes me armë zjarri në zonën e ish-Bllokut, ku një person humbi jetën dhe dy të tjerë mbetën të plagosur.

Shpjegimin e tij gazetari e ka mbështetur në videon e regjistruar nga kamerat e sigurisë në lokalin ku ndodhi ngjarja.



Teksa ka analizuar se gjithçka ka ndodhur brenda 1 kohe jo më shumë se 90 sekonda, Hoxha ka treguar se Meviol Billo ka qëlluar në një pozicion gjysmë të ulur, ndërkohë që pas ngjarjes është larguar qetësisht, por duke qëndruar në zonën e Bllokut.

Hoxha tha se sipas informacioneve të tij, Meviol Billo dhe Ervin Mata pasi kanë dalë nga lokali kanë qëndruar në zonën e Bllokut për të parë se si do zhvilloheshin ngjarjet dhe kanë pritur derisa situata është qetësuar.

Hoxha duke iu referua një video të publikuar për herë të parë në “Reoprt TV”, tha se, ka qenë qenë ora 21:27 minuta e datës 4 tetor 2018, kur Ervis Martinaj, Eljon Hato, Redi Popescu dhe një i ri tjetër, i paidentifikuar hyjnë së bashku brenda lokalit Monopol në ish-Bllok. Pas tyre afrohen edhe dy shokë të tjerë të Ervis Martinajt, përfshirë Fabjol Gaxhën, i cili mbeti i vrarë nga kjo përplasje me armë.  Në  video dallohet që fillimisht sherri nis me grushte në orën 21:28 minuta e 30 sekonda.

Në këtë moment shihen teksa dalin me vrap dhe të frikësuar personat që ishin brenda lokalit “Monopol”.

Në orën 21:29 minuta dhe 20 sekonda dallohet teksa grupi i Ervin Matës konfliktohet me grushta më grupin e Ervis Martinaj.

Në këto pamje që shohim është Mervjol Bilo dhe Eljon Hato të cilët po qëllojnë njëri-tjetrin.  Të shtënat e para janë dëgjuar në orën 21:29 minuta e 30 sekonda, ku nga video shihet që komandoja Mervjol Bilo qëllon Eljon Haton.

Disa sekonda pasi janë dëgjuar të shtënat, shihet se nga lokali Monopol dalin Mervjol Bilo, Ervin Mata, i dashuri i Elvana Gjatës, Geldo Hoti dhe një person i cili nuk dallohet qartësisht.

Më pas, nga lokali del Redi Popesku dhe Ervis Martinaj, i cili është plagosur në qafë dhe dorën e ka të gjakosur. Në 2 minuta e 30 sekondave ka ndodhur e gjithë përplasja me armë në ish-bllok.

Pas të shtënave shihet që Eljon Hato është i plagosur rëndë dhe kërkon ndihmë. Një shok i tij është afruar dhe e ka marrë në krah për ta çuar në spital. Hato mban një telefon në dorë dhe dallohet që nuk është në gjendje të ecë.

Kjo video tregon se përplasja me armë në ish-bllok nuk ka ndodhur pas një takimi të Ervis Martinaj dhe Ervin Matës, por grupi i Ervis Martinajt ka hyrë brenda lokalit dhe menjëherë ka nisur sherri.

PasPara

Leave a Reply

Your email address will not be published. Required fields are marked *



CLOSE
CLOSE
Pas