Ekonomi

Vijon rënia e euros, ekspertët: Ofertë e lartë në valutë dhe pak lekë në qarkullim

Monedha e përbashkët prej ditësh ka vijuar zhvlerësimin në tregun vendas, ku sot është këmbyer në nivelin e 133.42 lekëve sipas kursit zyrtar të Bankës së Shqipërisë.

Pas datës 5 tetor, kur euro shënoi dhe nivelin më të lartë të muajit prej 133.86 lekëve, euro ka hyrë në një trend rënës edhe pse me diferenca të vogla. Ndërkohë në tregjet ndërkombëtare euro ka vijuar të mbetet e fortë duke u luhatur në nivelin e 1.165 dollarëve.



Mos-reflektimi i nivelit të euros në tregjet ndërkombëtarë në atë vendas sipas ekspertëve të këmbimit valutor argumentohet me faktin niveli i këmbimit euro/lek në Shqipëri kursi ndikohet vetëm prej faktorëve të brendshëm. Tradicionalisht, pas përfundimit të sezonit veror, vjeshta

Sipas tyre niveli aktual i këmbimit dhe rënia e euros është reflektim ofertës së madhe të valutës në treg dhe i qarkullimit të ulët të lekut në vend.

Ekspertët thonë se aktualisht ka një nivel të ulët të qarkullimit të lekut nga bizneset, ku sipas tyre muaji tetor dhe nëntor, por edhe shkurt njihen për rënien e konsumit. Transaksionet kanë qenë në nivele minimale dhe njësitë ekonomike nuk kanë bërë shpenzime.

Megjithatë ngurrojnë të shpjegojnë ofertën e lartë të valutës në treg.
Monedha e përbashkët ka pasur një periudhë të dobët në tregun vendas, duke arritur nivelin më të ulët të nëntë viteve në 27 qershor, kur u këmbye 131.9 lekë.

Që prej fundit të vitit 2016, euro në tregun vendas po luhatet afër niveleve më të ulëta të 9 viteve, ku faktori kryesor mbetet ofertat e lartë e valutës në tregun vendas, që ka ardhur kryesisht nga hyrjet e valutës nga aktivitete të paligjshme, por edhe si rrjedhojë e përmirësimit të dukshëm të bilancit të pagesave (shtimit të turistëve dhe rritjes së eksporteve të shërbimeve).

Euro e fortë në bursë mban dollarin në nivele të ulëta
Zhvillimet në tregjet ndërkombëtare reflektohen në përgjithësi në monedhat e tjera, duke ruajtur kështu raportet e këmbimit midis monedhave, argumentojnë ekspertët. Dollari amerikan është këmbyer në nivelin e 114.59 lekëve, sipas kursit zyrtar të Bankës së Shqipërisë. Euro, e fortë në tregjet ndërkombëtare, por e zhvlerësuar në vend, ka tërhequr dollarin në nivele më të ulëta të këmbimit se sa fillimi i vitit, ku ishte afër nivelit të 130 lekëve të këmbimit. /Monitor/

PasPara

3 komente

  1. Gjithë shqiptarët me epidemi.
    Pa hyrë dimri mirë qëndrat shendetësore plot me pacientë. Në verë janë ding , se nga virozat vuajnë gjindja,thonë mjekët me qetësi.Në të dyja rastet, mjeket rekomandojnë , shurup e aspirinë,shkoni në shtëpi e bëni derman tradicional.
    Plakat nuk janë më pranë votrës. Nuset moderne nuk pranuan ta trashëgojne traditën.Thuhet se një plakë në Vermosh e një Zarë,dinë të hedhin kupa në shpinë,si dukur.Nga informacionet e marra,në rrugë operative,në të dy qëndrat shëndetesore ,rregjstrat e të sëmurëve janë pothuajse bosh.Zyrtarisht, rregjistrat janë plotë,që të mos mbyllen qëndrat shendetesore respektive.
    Në biesedat me mjekët, mundohem të marr ndonjë shpjegim,për rënien e imunitetit të shqiptarëve.Dikush me seriozitet,e tjetri me humor mundohen të japin ndonjë shpjegim.Të dhënat operative i ke të sakta.Jemi mëse të bindur tërësisht.Në zonat periferike jëta ështe me shendetshme,se vjen nga: ajri i pastërt ; ushqimi bio;puna fizike. Atje ku nuk futen televizorët kombëtarë,ata janë më të shëndetshmit,ndërhyn, njëri prej tyre, me humor.
    Këto arsyetime janë bindës,por për mendimin tim ,nuk janë shterrues.O viroz, o grip, për 356 dit në vit,ulur këmbëkryq ,në çdo shtëpi shqiptare.Pse fëmijët tanë,që janë larg në emigracion,nuk i kapin këto dy epidemi?Nuk është ajri më i pastër në Milano se në Tiranë.Nuk është ushqimi më bijo në Uashigton se në Shqipëri.Nuk kujdesen,për shendetin e tyre,të huajt më shumë se ne prindërit.
    Kanë frikë fëmijët të vinë të na shohin për pushime,se gjysma e ditëve u shkon në banjo, për të shkarkuar diaretë e besdishme.Të shqetësuar i pyesim edhe ata,për shqetësimin tonë prindëror.Nga se vjen kjo epidemi,që na fëlliq me të afërm, e të largëm?
    Eshtë pluhuri në rrugë që ju hyn pa trokitur edhe në shtëpi.Në asnjë vend të botës produktet blektorale ,sado bio të jenë,nuk shiten në natyrë.Mushkonjat bëjnë qejfë në trupin e brishtë të shqiptarëve.Mizat e kanë merak të lepihen tek pjatat e gjindjes.Uji i çezmave ,edhe atje ku e ka fatin të hyj në shtëpi,nuk ka asnjë garanci për pastërti.
    – Këto,e të tjera të pa përmendura, vijnë se nuk ka shtet në Shqipëri,- e vulos djali që ka më shumë vite në emigracion.
    -E ku duket mungesa e tij,- e pyes me qesëndi.
    -Pse nuk paguani taksa shteti nuk u përgjigjet- ma kthen me vetulla të ngrysur.
    U mundova t’i mbush mendjen se nuk ka të drejtë,me këtë arsyetim.Na I morën tëra paratë e pagave apo pensioneve të vockla,që nuk e mbyllim muajin as për copën e bukës.Ju krekosa me sedër shqiptare.Çfare taksa pguajnë më shumë se unë bashkëmoshatarët në shtetin ku jetoton ti,o biri im?Me qetësi ia përmend se çfarë taksash paguan bai tij për atdhenë.TVSH është 20%.Akciza për duhan,karburant,alkool nga 40-60%.Tatimet, në; fitim ;burim;dividend,fiks 15 %.
    E kur i rreshtova taksat me rrallë,për ;televizorin kombëtarë; për pasuri katandi,që vleresohen si do Bashkija e nderuar; shkollat; tabelat;sigurimet e siguracionet; sa fut këmbën në doganë;për qiell edhe tokë; detë e bregun e tij;për pronar e administator.Për gjobat; që llogarit sistemi i mallkuar informatik i tatimeve dhe taksave;policët e shumtë në rrugë e në zyra, që të rjepin me ligj e paligj;xhepa e për informatike; avokat e shëndetësi;……
    -Mjaft baba!Të jap fjalën se nuk vi më. Mu mbush mendja se ka shtetet,por punoka pak,fare pak.- u ndamë me lot në sy,i bindur, se ka shumë mundësi ,që të mos e shoh më ,në shtëpi.

    Fatmir Lohja.

    1. D.m th djali yt nuk do te vije me ne shtepi se Shqiperia nuk ka arritur ende nivelin e Italise. Cfare fatkeqesie. Cfare femije paske rritur dhe nuk te vjen turp ta tregosh.

Leave a Reply to nord.al Cancel reply

Your email address will not be published. Required fields are marked *



CLOSE
CLOSE
Pas