Kryesore, Sociale

Video/ Fermerët po vdesin nga pickimet, gjarpërinj dhe insekte helmuese pushtojnë Myzeqenë…

Në Myzeqe fermerët po sulmohen nga gjarpërinjtë dhe insekte të rrezikshme. Mjekët në spitalin e Fierit thonë se këtë verë, situata është alarmante si asnjë vit tjetër.

Kjo është një punë e përditshme e fermerëve në Fier. Por tani është kthyer në një aventurë të rrezikshme. Temperaturat e larta kanë bërë që gjarpërinj dhe merimanga helmuese të rendin nëpër fusha në kërkim të ujit.



Rastet e pickimeve kryesisht nga gjarpërinj dhe vejusha e zezë, janë shtuar duke vënë repartin e toksikologjisë në gjendje alarmi.

“Situata e kafshimeve nga zvarranikët dhe e pickimeve nga insektet helmuese ka qenë më e rëndë sesa e njëjta periudhë të vitit të kaluar. Kemi pasur më tepër kafshime nga nëpërka dhe gjarpri”,- tha mjeku toksilog në spitalin e Fierit, Lulëzim Banushi.

Zvarranikët dhe insektet në Myzeqe shquhen për helmin e tyre të fortë. Në mungesë të antidotit brenda 24 orëvë dhe nën temperaturat e larta pasojat e pickimeve të tyre bëhen vdekjeprurëse.

“Zonat më të prekura janë zonat kodrinore që janë përreth qytetit tonë. Zona e Cakranit, e Festanit, e Frakullës të cilat konstatohen gjatë punës që bëjnë ata në ambientet e tyre dhe në bujqësi”,- tha mjeku Banushi.

Duke qenë se kontakti me gjarpërinjtë është i pashmangshëm në këtë periudhë janë veshjet mbrojtëse e vetmja zgjidhje që sugjerojnë specialistët.

Por në temperaturat e larta të Korrikut për fermerët këto pajisje mbrojtëse e bëjnë punën në arë të pamundur.

Mesatarisht në spitalin e Fierit mbërrijnë të pickuar nga gjarpri dhe merimanga e zezë 4 raste në javë, një shifër kjo më e lartë se ajo e vitit të kaluar.

Përveç temperaturave të larta, faktor në shtimin e zvarranikëve dhe insekteve të rrezikshëm është edhe mungesa e dezinfektimit të sipërfaqeve bujqësore./abcnews.al/

PasPara

1 koment

  1. Iriqi e mbyte gjarperin dhe shqiponja por ju i vrate edhe iriqin dhe shqiponjen e tani jane te balsamosura neper restorante gjithandej Shqiperise

Leave a Reply

Your email address will not be published. Required fields are marked *



CLOSE
CLOSE
Pas