Kronika, Kryesore

Video/ Armë dhe kanabis në dy furgonë të fshehur në pyllin e Memaliajt, autorë të pa identifikuar

Plot 16 armë zjarri, të tipit snajper,kallashnikovë, pushkë dhe armë gjahu, si dhe 1 ton e 463 kilogramë kanabis, janë gjetur brenda dy furgonëve të braktisur në një zonë pyjore në Memaliaj.

Arsenali i armëve dhe lënda narkotike u sekuestruar gjatë operacionit policor të koduar “Vjosa”.



Sipas uniformave blu, gjatë kontrolleve të ushtruara në afërsi të fshatit Leshnje, Bashkia Memaliaj, në një zonë mes shkurresh e pemësh, në afërsi të shtratit të lumit Vjosa janë konstatuar të fshehur dhe të mbyllur me celësa dy furgona të bardhë të markës ‘Mercedes Benz’ me targa të falsifikuara.

Gjatë kontrollit grupi hetimor konstatoi se në brendësi të furgonave kishte pako me lëndë narkotike dhe armë zjarri dhe konkretisht: 16 armë zjarri (1 snajper, 12 kallashnikovë, 2 pushkë dhe 1 armë gjahu); dhe 1 ton e 463 kilogramë lëndë narkotike Cannabis Sativa (prodhuar më herët, një pjesë e ngurtësuar drejt dekompozimit)

“Si rezultat i presionit të kontrollit të ushtruar javët e fundit në atë territor nga shërbimet e Policisë për evidentimin e personave që mund të mbajnë armë e lëndë narkotike me qëllim trafikimin e saj, personat që dispononin lëndën narkotike dhe armët e zjarrit i kanë fshehur në pyll me qëllim shmangies së kontrollit. Operacioni ndiqet me metoda speciale dhe për këtë arsye nuk mund të jepen të dhëna të tjera”, thuhet në njoftimin e policisë.

Materialet për rastin do t’i kalojnë Prokurorisë Pranë Gjykatës së Shkallës së Parë Gjirokastër, për hetim të mëtejshëm, për veprat penale “Prodhim dhe shitje të narkotikëve” dhe “Prodhimi dhe mbajtje pa leje e armëve luftarake dhe municionit“, dhe “Prodhim dhe mbajtja pa leje e armëve sportive dhe të gjuetisë”./BW/

PasPara

Leave a Reply

Your email address will not be published. Required fields are marked *



CLOSE
CLOSE
Pas