Shëndeti

Vera e kuqe dhe koktejet janë pijet më të dëmshme alkoolike për shëndetin e lëkurës

Konsumimi i alkoolit i rritë shanset për t’u shfaqur aknet, i dëmton qelizat dhe mund të shpijë në plakje të hershme.

Pra, konsumimi i disa gotave verë apo koktejeve mund t’iu duket si pjesë e domosdoshme e jetës, por, fatkeqësisht, veprimi i tillë nuk iu sjell asnjë përfitim të vërtetë.



Siç duket, konsumimi i atyre gotave alkool mund të jetë shumë i dëmshëm për trupin – në veçanti për lëkurën.

Ndonëse ka studime të shumta të cilat përpiqen t’i zbardhin efektet e mira të verës së kuqe, realisht konsumimi i sasive të tepërta e rritë rrezikun e demencës dhe shkakton inflamacion – gjë e cila e rritë pastaj rrezikun e kancerit, depresionit dhe sëmundjeve të zemrës.

Ndër tjerash, vera e kuqe rezulton të jetë pija më e keqe për lëkurën nga të gjitha llojet tjera të alkoolit – e këtë e konfirmon edhe Dr. Isabel Sharkar.

Ajo thotë se vera e kuqe priret t’ju shkaktojë skuqje të lëkurës dhe t’ju mbulojë me nishane.

Edhe koktejet janë ndër pijet më të dëmshme për shëndetin e lëkurës, sepse përmbajnë shumë sheqer, ndërkaq sheqeri njihet si shkaktari kryesor i inflamacionit.

Pra, nëse dëshironi të zgjoheni pa dhimbje koke dhe me lëkurë të pastër, më së miri është ta shmangni krejtësisht alkoolin.

Por, edhe nëse vendosni të konsumoni alkool, atëherë sigurohuni të konsumoni në sasi të moderuar dhe të konsumoni shumë ujë sepse alkooli shkakton dehidratim.

PasPara

Leave a Reply

Your email address will not be published. Required fields are marked *



CLOSE
CLOSE
Pas