Kryesore

Unioni i Gazetarëve Shqiptarë dënon sulmin ndaj gazetares Klodiana Lala: Tentativë për ta…






               Publikuar në : 14:08 - 30/08/18 |
mapo.al

Unioni i Gazetarëve Shqiptarë ka reaguar pas sulmit me armë të kryer në banesën prindërve të gazetares së kronikës në “News24”, Klodiana Lala.


Përmes një deklarate, Unioni i Gazetarëve Shqiptarë denoncon me forcë sulmin e kryer në mëngjesin e ditës së sotme.

Unioni i Gazetarëve i bën thirrje Policisë së Shtetit që urgjent të hetojë ngjarjen dhe të dërgojë autorët para drejtësisë, pasi çdo vonesë do të ndikojë edhe më shumë në acarimin e klimës së lirisë së shprehjes në Shqipëri.

‘Policia nuk duhet të merret me detaje që çorodisin më shumë opinionin por të gjejë autorin ose autorët e kësaj ngjarjeje shumë të rëndë.

Kur sulmohet lajmësi, rrezikohet rëndë një nga të drejtat themelore kushtetuese’,- thuhet në deklaratën e Unionit të Gazetarëve Shqiptare, ku në përfundim apelohen institucionet e vendit të reagojnë ashpër ndaj këtij sulmi.

‘Ne u bëjmë thirrje institucioneve shqiptare që nga Presidenti i Republikës, Kryeministri dhe veçanërisht Ministria e Brendshme të reagojnë menjëherë duke dënuar ashpër sulmin dhe të merren në mbrojtje reporterët’.


Etiketa: , , , ,

KOMENTO (0)

Shkruaj nje koment

Your email address will not be published. Required fields are marked *

* *

CLOSE
CLOSE
Pas