Sport

Tragjedia në Xhenova, dy ndeshje të Serisë A do shtyhen

Tragjedia e ndodhur sot në mesditë në qytetin italian të Xhenovës, ku një urë u shemb duke shkaktuar deri më tani 22 viktima e dhjetra të plagosur, mund të sjellë shtyrjen e dy takimeve të Serisë A. Dy ekipet e këtij qyteti, Sampdoria e Genoa, kanë shprehur ngushëllimet e tyre për viktimat dhe përmes rrjeteve sociale janë shprehur se kanë mbetur të tronditur nga ngjarja e ndodhur, që ka përfshirë të gjithë Italinë. Madje skuadra e Genoa sot ka ndërprerë stërvitjen, duke qenë se mjaft lojtarë nuk kanë mundur të arrijnë qendrën stërvitore për shkak të bllokimit të rrugës.

Ndaj, mediat italiane konfirmojnë se të dyja klubet mund t’i kërkojnë Federatës Italiane të Futbollit (FIGC) që të shtyhen në një datë tjetër ndeshjet e tyre, të vlefshme për javën e parë të Serisë A (Milan-Genoa dhe Sampdoria-Fiorentina). Ndërkohë që, Komiteti Olimpik Italian (CONI) ka vendosur që të gjitha eventet sportive që do të zhvillohen në Itali, nga ky moment deri në fundjavë, të mbahet një minutë heshtje. Vendimi për shtyrjen ose jo të ndeshjeve pritet të merret orët në vijim.



PasPara

Leave a Reply

Your email address will not be published. Required fields are marked *



CLOSE
CLOSE
Pas