Kryesore, Sociale

Tiranë: Bllokohen 2.5 ton peshk e karkaleca të ngrirë, mbaheshin në gjendje skandaloze

Autoritetit Kombëtar i Ushqimit vijon masat ndaj subjekteve të ndryshme të biznesit ushqimor, specifikisht edhe në magazina frigoriferike.

Kështu, gjatë një kontrolli në subjektin “ALB ORCA” në Tiranë, me aktivitet “Magazinë Frigoriferike” u konstatua dhe u bllokua sasia prej 2.5 ton peshk dhe karkaleca të ngrirë të degraduar nga kushtet e ruajtjes (ngrirje – shkrirje e produktit si dhe kushtet higjieno-sanitare jo konforme); gjithashtu subjekti nuk dispononte dokumentacionin e duhur për gjurmueshmërinë e produktit.



Në një njoftim zyrtar, AKU thotë se ndaj këtij subjekti u morën masa administrative me gjobë, 500.000 lekë si dhe bllokim i produktit deri në asgjësim.

Autoritetit Kombëtar i Ushqimit inkurajon operatorët e biznesit ushqimor që të përmbushin kërkesat rregullatore, ndër të cilat është edhe verifikimi i produkteve që prodhojnë, përpunojnë, shpërndajnë apo nxjerrin në treg nëse janë apo jo në përputhje me kërkesat e sigurisë ushqimore dhe nëse i konstatojnë t’i heqin menjëherë nga tregu dhe të informojnë menjëherë AKU

“Të gjithë qytetarët të denoncojnë çdo rast që konstatojnë apo dyshojnë, pra çdo tentativë abuzimi, pranë Autoritetit Kombëtar të Ushqimit në e-mail [email protected] si dhe pranë portalit të bashkëqeverisjes “Shqipëria që duam”. Siguria Ushqimore është një sfidë e përbashkët”, thotë AKU në njoftim.

PasPara

Leave a Reply

Your email address will not be published. Required fields are marked *



Pas