fbpx

Politika

Tiranë-Athinë, “det” me probleme





               Publikuar në : 19:11 - 01/04/18 |
mapo.al

 Vizita e kryeministrit grek Aleksis Cipras në Tiranë  e programuar në fillim të muajit prill u shty për disa muaj më vone dhe u zëvendësua me një vizitë blic të kryediplomatit grek Nikos Kotzias të enjten. Por si i shohin marrëdhëniet mes dy vendeve gazetarë dhe historianë nga vendi fqinj. Megjithëse ata shprehen optimistë se negociatat do të finalizohen me sukses, duke zgjidhur kështu të gjitha çështjet e ngritura në tryezat dypalëshe, për Greqinë çështja çame mbetet e panegociueshme dhe inekziste.


“Çamët ishin një grupim në Greqi, të cilët në vitet 1941 deri në vitin 1945 zgjodhën anën e gabuar, u dogj dhe i njomi me të thatin. Unë kam folur me çamë në Shqipëri, gjithashtu kam marrë pjesë dhe në aktivitetet e tyre ku kam kryer shume intervista në vitin 2007. Kur i pyesja përse nuk shkoni në gjykata, ata nuk kishin kundërshtar as aktet kadastrale në Igumenicë. Më vonë, mësova se një nga arsyet që nuk shkojnë në gjykata është shumë e thjeshtë, sepse do ta humbin gjyqin. T’ju jap një shembull që ta kuptoni.  Gjykata Europiane e të Drejtave të Njeriut nuk mund të përdoret, pasi kjo gjykatë në të shkuarën ka studiuar rastin e  Çekosllovakisë dhe Sudetëve, i cili është një rast i njëjte, dhe nuk mund të shqyrtojë çështje që i kanë rrënjët e tyre përpara vitit 1952”, raporton Vizion Plus.



Gazetari grek nga televizioni shtetëror ERT ndoqi nga afër këtë vizitë dhe sipas tij marrëveshja e përcaktimit të kufirit detar është e domosdoshme për anëtarësimin e Shqipërisë në Bashkimin Europian.“Jeni ne nje procedure e cila ka filluar me takimet ne Krete dhe ne Korçe. Kjo procedure u ndërpre per arsye te autorizimit te cilin duhet te jepte presidenti i republikës se Shqipërisë Ilir Meta, autorizim per zotin Bushati ne lidhje me negocimin e marrëveshjes se kufirit detar. Kjo procedure duhet te hape rrugën per nje marrëveshje te re fqinjësie, e cila do te zëvendësoje marrëveshjen e vjetër si dhe per disa ceshtje qe mbeten pa u zgjidhur. Mendoj se marrëveshja per kufirin detar eshte nje marrëveshje shume e rëndësishme edhe per Greqinë edhe per Shqipërinë, duke pasur parasysh eksperiencën e Kroacisë ne anëtarësimin ne Bashkimin Evropian. Bashkimi Europian nuk mund te pranoje vende te cilat kane te pazgjidhura kufijtë me vendet anëtare. Kjo ceshtje duhet te zgjidhet. Qëndrimet e te dyja paleve jane mjaftueshëm te ndryshme. Mendoj se nje vështirësi e madhe e cila duhet te kapërcehet eshte vija e kuqe qe kishte vendosur Shqipëria. Me kete vije te kuqe dua te them vendimin e Gjykatës Kushtetuese.”


Por ndërsa Çamerine e konsideron nje kapitull te mbyllur Athina kërkon respektimin e te drejtave te minoritetit grek qe jeton ne jug te vendit. Kjo eshte nje nga ceshtjet e rendesishme per Greqinë e shtruar ne tryezën e bisedimeve.“Te vjen keq qe ndonjëherë apeli ose retorika politike e disa personave te caktuar e klases politike shqiptare te kujton recidiva te tilla nese do te shkonim ne Gjirokastër ose me shume ne Sarande, do te shikoni dhe do te degjoni shume ankesa per te drejtat pronësore te njerëzve te veçante te pakicës kombëtare greke dhe ka shume ankesa gjithashtu per sjelljen arbitrare te pushtetit vendor dhe po te shkojmë ne Himare ka nje pakice kombëtare, e cila identifikohet ku qeveria qendrore per fat te keq eshte sjelle me arbitraritet dhe fodullëk ndaj tyre madje dhunimi i institucioneve te kultit bile ne dite te shënuara te ortodoksisë dhe krishterimit, krijon përshtypje negative jo vetëm ne komunitetin e popullsisë ortodokse krijon probleme dhe shqetësime, te cilat nuk mund te mos ndikojnë dhe ne qeverine e Athinës,  por krijojne dhe problem dhe nje repulsion si te thuash ne zyrat diplomatike te Brukselit”.

Përveçse nje pakt politik ku secila pale do te mbroje interesat e saj kombëtare, ajo qe mbetet e rëndësishme eshte nje marrëveshje ne te mire te te dy popujve.


Etiketa: , , , , , ,

Pas