Kryesore, Media

‘Të vjen era alkool’! ‘Të ka çuar Rama’: Analisti përplaset ashpër me Dash Shehin

Një debat i fortë ndodhi gjatë emisionit “Byro Politike” në ABC News të gazetares Juli Xhokaxhi. Deputeti Dashamir Shehi dhe analisti Arian Çuri u përfshinë në fyerje dhe debate përtej etikës teksa po diskutohej për braktisjen e vendit nga të rinjtë. Sipas Çurit situata nuk është aq e zezë siç raportohet për shkak se ka njerëz që lëvizin për shkak se janë ekselentë dhe pretendojnë për realitete më të mira. Nga ana tjetër, deputeti Shehi deklaroi se, shqiptarët po ikin sepse kanë probleme dhe se vendi drejtohet nga kriminelë. Ky i fundit i konsideroi fjalët e Çurit për të justifikuar Edi Ramën. Nga ana tjetër, Arian Curi i kërkoi Shehit të hiqte dorë nga politika dhe të zëvendësohej nga të rinj.

Arian Çuri: Një nga arsyet kryesore është dhe fakti që ju dhe shokët tuaj nuk pranoni të qarkulloni siç qarkullojnë elitat në të gjithë botën. Po nuk qarkullove ti dhe shokët tuaj atëherë njerëzit do jenë të dëshpëruar. Që kur ke qenë ministër dhe sot që je gati për kryetar bashkie, atë punë ke ti edhe shokët e tu. Zëvendësoni njëri–tjetrin. Unë po bëhem 40 prapë i njëjti ti. Me shumë mundësi edhe në pleqëri ty do të shoh. Është zotësi.



Dashamir Shehi: Do jetë fat i madh po të më shohësh.

Arian Çuri: Unë po them është fat shumë i madh. Më bëhet qejfi se po të referohet “Portokallia” se je bërë dhe humorist tani, por ideja është këtu. Nuk mund të japësh vetëm akuza për të gjithë njerëzit dhe botën.

Dashamir Shehi: Unë e di që ty të ka çuar Rama.

Arian Çuri: Mua nuk më ka çuar zoti Rama. Asgjë nuk di ti.

Dashamir Shehi: Një mijë vegla që ka regjimi je dhe ti një gjë e vockël.

Arian Çuri: Unë kam lidhje me të djathtën, por e ke gabim.

Dashamir Shehi: Po unë nuk të drejtohem ty, po i drejtohemi zonjushës…

Arian Çuri: Ty të ndihet era e alkoolit deri këtu. Më thua mua vegël e vogël e regjimit. S’kam punuar një ditë për shtetin unë. Ti ke që nga ’92-shi ministër dhe do vdesësh në politikë dhe pushtet dhe ta uroj. Jeni një shembull shumë negativ për t’u marrë nga brezat e ardhshëm.

Dashamir Shehi: Unë jam në politikë. Unë nuk jam në pushtet.

Arian Çuri: Ti je i pavotuar. Mua nuk më ka çuar askush. Ti nuk ke asnjë informacion. Vazhdon në televizion me raki, me turshi, me frigorifer, me lavatriçe. E deklaroj me përgjegjësi të plotë që nuk kam lidhje me Edi Ramën. Ti kryetar i kujt partie je?

Dashamir Shehi: Faleminderit Rama.

Dashamir Shehi: Para dy vjetëve, Merkeli vetë, për të justifikuar, si vinë, si ikin qytetarët tha që kemi 120 mijë gjermanë të cilët shkonin nëpër botë, të cilëve nuk u pëlqentë klima, disa mërdhifnin në Hamburg. Disa kishin lagështirë në Mynih, disa pëlqenin zogjtë në Afrikë, disave u pëlqente muzika në Brazil dhe shëtitnin nëpër botë.

Arian Çuri: Ka dhe raste të tilla.

Dashamir Shehi: Po e bëj si ironi nuk e kam për ty.

Arian Çuri: Jo jo, le ta kesh dhe për mua, nuk ka problem.

Dashamir Shehi: Jo për ty, se për ty nuk e lodh kaq shumë mendjen.

Arian Çuri: Edhe unë nuk e lodh kur flet ti, megjithatë hajt po lodhim veshët të paktën.

Dashamir Shehi: Ne këtu po flasim për një komb që po rrudhet dhe po ikën nga halli. Nuk po ikën shqiptari se i pëlqen kjo punë atje. Ky djaloshi është shumë i zoti, është ekselencë unë e uroj që ky jo të shkojë në Gjermani, por në Neë York. E uroj megjithë mend ore. Me mijëra shqiptarë të shkojnë atje ku ka vend për të dhënë maksimumin.

Arian Çuri: Do shkojmë atje ku ka vende bosh.

Dashamir Shehi: Ne po flasim për hallexhinjtë.

Arian Çuri: Në politikë si ndodhën përshembull. Ke 20 vjet ti jo unë?

Dashamir Shehi: Mos e vrit mendjen se edhe unë kam qen si ty dhe nuk është se kam nejt për patriotizëm.

Arian Çuri: Duke të parë ty dhe shokët e tu këto 20 vjet e di që në politikë e kam shumë të vështirë. Vazhdoni meqë kishit idenë e Brazilit dhe zogjve të Gjermanisë.

Dashamir Shehi: Meqë më ke pa mua dhe shokët e mi, prandaj po ikën ti?

Arian Çuri: Jo, jo! Po iki se në politikë të paktën nuk hyj dot.

Dashamir Shehi: Unë them që ti do të justifikosh Edi Ramën.

Arian Çuri: As Edi Ramën, As Berishën, as Lulin, as ty. Jeni të gjitha e njëjta klikë që zëvendësoni njëri-tjetrin. Nuk kam çfarë të justifikoj unë. Megjithatë vazhdoni.

Dashamir Shehi: Ne po themi që këtu po zbrazet vendi sepse e kanë marrë kriminelët në dorë.

Arian Çuri: Ti pra e ke pasur në dorë 20 vjet.

Dashamir Shehi: Këtu s’ka njerëz të ndershëm, prandaj. Ndërsa ti më nxorre një faktor tjetër që qenka ekselenca. Po ikën për motive politike, po iki dhe unë mor bir. Ti po thua që kam ardhur nga Përmeti se jam më mirë në Tiranë. Ik ku të duash ti.

Arian Çuri: S’do të të marr leje ty unë.

Dashamir Shehi: Të tjerët që ikin nuk ikin se janë kaq të zot sa ty.

Arian Çuri: Një nga arsyet që ikin është se ju nuk i frymëzoni dot të rrinë.

Dashamir Shehi: Më ofendoni sa të duash.

Arian Çuri: Nuk po të ofendon njeri.

Dashamir Shehi: Ti gënjen, se po i thua shqiptarëve po ikni për ekselencë. Nuk po ikin për ekselencë, por për hall. Po ikën për ekselencë ata janë peshk.

Arian Çuri: Ti ike për hall nga politika dhe u ktheve prapë për atë punë se nuk bëre dot gjë kur ike, por s’ka gjë. Mirë do ishte që edhe ti t’ia lije vendin ndonjë të riu.

PasPara

Leave a Reply

Your email address will not be published. Required fields are marked *



CLOSE
CLOSE
Pas