Bota

Takohen liderët koreanë. Premtime nga Veriu komunist për programin bërthamor

Kim Jong-un ka pranuar të mbyllë njërin prej vendeve kryesore të testimit dhe lëshimit të raketave të Koresë së Veriut.

Lajmin e dha Presidenti koreano-jugor, Moon Jae-in pas takimit të përzemërt në Penian me homologun e shtetit fqinj. “Ramë dakord mbi një mënyrë për të arritur denuklearizimin”, deklaroi Moon me entuziazëm.



Ai e përshkroi marrëveshjen si një hap të rëndësishëm përpara të Kimit drejt paqes ushtarake në gadishull. Si për të treguar se ulja e ndjeshme e tensioneve mes dy vendeve që mbërritën deri në prag lufte, është vërtetë afatgjatë, Kim Jong-un dha një tjetër sinjal afrimi, me pohimin se shpreson që ta vizitojë Seulin
në të ardhmen e afërt, duke u kthyer kështu në udhëheqësin e parë të vendit komunist që do ta bënte një gjë të tillë.

Denuklearizimi ishte tema kryesore e samitit. Edhe pse Shtetet e Bashkuara dhe Koreja e Veriut kanë rënë parimisht dakord që të punojnë për realizimin e këtij qëllimi, negociatat kanë ngecur. Duket se tani Peniani po përpiqet të rikonfirmojë angazhimin e tij në këtë drejtim.

PasPara

Leave a Reply

Your email address will not be published. Required fields are marked *



CLOSE
CLOSE
Pas