Politika

Starton të dielën te Turbina Festivali Mbarëkombëtar i Teatrit, nxitoni të rezervoni biletat falas

Skena e Re arTurbina do të hapë dyert për të mirëpritur artistët dhe publikun për Festivalin Mbarëkombëtar të Teatrit, ngjarja më e rëndësishme teatrore e vitit! Ky festival organizohet me rastin e Vitit Mbarëkombëtar të Skënderbeut, ku nga data 23-30 Shtator 14 trupa teatrore nga të gjitha trevat shqiptare do të servirin një mozaik kulturor nga të gjitha trevat shqiptare, ku do ku flitet gjuha shqipe.

Nga sot, të gjithë dashamirësit e teatrit do të mund të rezervojnë biletat e tyre pa asnjë kosto, pasi ato janë falas.



Festivali i teatrit rikthehet pas 6 vitesh mungesë. Por tashmë këtë herë festivali do të ketë jo vetëm vepra shqiptare, por dhe të autorëve të huaj. Ky festival do të nisë rrugëtimin e tij një javor me komedinë shqiptare “TAG”.

TAG” është një realizim tërësisht shqiptar, i prodhuar nga Bashkim Hoxha në bashkëpunim me Andia Xhungën si regjisore, Genc Shkodranin si skenograf, Berina Kokonën si kostumografe dhe Agim Krajkën dhe Sajmir Cilin si realizues të muzikës. Kjo komedi trajton temën e rrjeteve sociale, përkatësisht interaktivitetin në rrjetin social Facebook.

E pa dyshim që pjesë e rëndësishme e komedisë janë edhe aktorët dhe rolet në të cilat ata do të shfaqen:

– Olta Daku – Meri, banakierja e fshatit

– Gert Ferra – Gerti, pronari i lokalit të fshatit

– Indrit Cobani – Toni, “çun tirone”

– Adelina Muça – Lena, mjelësja e lopëve njëkohësisht edhe “ylli i fshatit”

– Naun Shundi – Lomi, postieri i fshatit, momentalisht i papunë pasi nuk ka më postë

– Mehdi Malka – Lima, stallieri në pension

– Ardian Cerga – Lame, refugjati i sapokthyer nga Italia

– Erjona Kakeli – Anabela, adhuruesja e leximit, ëndrra e së cilës është të largohet nga fshati

– Besmir Bitraku – Miklovani, veterineri i apasionuar

– Genti Deçka – Decke, djali i bariut

Si dhe Rajmonda Bulku në një rol surprizë.

Por kjo nuk do të jetë shfaqja e vetme, pasi edhe 13 shfaqje të tjera nga trupa të gjithë trojeve shqiptare do të jenë pjesë e këtij festivali të rëndësishëm kulturor.

 

<
>
b3b72b76-4f18-4f7f-bc5b-ea4f1e1af89f 5fc326bc-b7ba-4e4a-9da7-e5ee12847b0d 26b87fbd-e486-4a84-a546-86d96771338e
PasPara

Leave a Reply

Your email address will not be published. Required fields are marked *



CLOSE
CLOSE
Pas