Editorial

Sprova e parë me emigracionin e një populli migrator

Nga Ervis Iljazaj

Ka disa ditë që përflitet për pritjen e një numri të madh emigrantësh në territorin e Shqipërisë. Nuk mund të fshihet një lloj pakënaqësie e opinionit publik kundrejt qeverisë, nëse ajo do të hapë dyert për të pritur një fluks të tillë.



Në fakt kjo është hera e parë, që një popull migratorësh, të përballet me fenomenin e emigracionit në territorin e tij. Edhe pse, për arsye nga më të ndryshmet. Mundet të ketë kundërshti në këtë aspekt, Shqipëria, për pozicionin e saj gjeopolitik, nuk mund t’i shmangej fenomenit të emigracionit botëror. Ajo që habit, është fakti se, si është e mundur që një popull si ai shqiptar që nga emigracioni ka mbijetuar, është kaq kundërshtues ndaj këtij fenomeni. Të paktën deri më tani kështu duket.

Me të gjitha gjasat, dhe nga të gjitha informacionet që vijnë, të cilat ndjekin kalvarin emigrantëve nga vende të ndryshme të Botës drejt Europës, Shqipëria pritet të bëhet një nga ndalesat e këtij kalvari.

Është një tematikë, që as opinioni i shoqërisë shqiptare, kultura e saj, por edhe vetë politika nuk është hasur ndonjëherë. Dhe, për këtë arsye, do të jetë një sfidë jo e lehtë për t’u përballuar.

Ajo që mbetet për t’u parë, është nëse ne do të kthehemi në një ndalesë për ta, apo do të na duhet të menaxhojmë një fluks për një kohë afatgjatë.

Për këtë fenomen u shpreh edhe Kryeministri Rama në takimin e tij më homologun austriak. Rama me të drejtë u kërkoi ndihmë vendeve të Bashkimit Europian, pasi Shqipëria nuk është në gjendje, nuk ka kapacitete infrastrukturore dhe të shërbimit për ta bërë një gjë të tillë.

Dihet, që vendet e Bashkimit Europian, po mundohen të ndalojnë një këtë fluks emigrantësh me çdo mënyrë, për të mos krijuar kriza shoqërore dhe politike në vendet e tyre. Kështu që, nuk është çudi që Shqipërisë t’i vijë një kërkesë për mbajtjen e një numri të madh emigrantësh.

Patjetër, me asistencën e vendeve të Bashkimit Europian, por sidoqoftë, do të jetë një situatë aspak e lehtë për t’u përballuar, duke parë deficitet e mëdha që ka Shqipëria në këtë drejtim.

Në favor të këtij veprimi, shumë vende Europiane, mund të shkelin dhe një sy për hapjen e negociatave dhe përshpejtimit të procesit të integrimit të Shqipërisë. Në fakt jo vetëm të Shqipërisë, por edhe të vendeve të tjera të Ballkanit Perëndimor.

Sepse, vendet e Bashkimit Europian, janë duke përballuar një krizë shoqërore dhe politike për shkak të këtij fenomeni, kështu që, janë duke kërkuar një zgjidhje alternative për ndalimin e tij. Dhe Ballkani Perëndimor shihet si një zgjidhje alternative.

E megjithatë, me dëshire ose jo, pritjen e emigrantëve, Shqipëria e ka një kosto që duhet ta ndërmarrë. Jo vetëm për arsye humaniste, pasi ne jemi një popull emigrantësh dhe si të thuash kemi për herë të parë një sprovë në këtë drejtim, për të treguar gatishmëri për fatkeqët që përjetojnë një dramë në jetën e tyre, por edhe për arsye pragmatike.

Nëse Europa do të na e kërkojë një gjë të tillë, nuk e kemi luksin që ta refuzojmë. Madje këtë gjë mund ta kthejë në një kartë shumë të rëndësishme në politikën e jashtme, nëse vërtet qeveria shqiptare do të dijë ta luajë.

Por, përtej çdo arsyeje që mund të na shohë si ndalesën e radhës të emigracionit, qeveria shqiptare duhet të tregohet në nivelin e duhur. E rëndësishme është, që çdo politikë e saj, të respektojë të drejta dhe dinjitetin e njeriut, dhe të trajtojë çdo person me të gjitha të drejtat që i takojnë.

PasPara

1 koment

  1. Ka disa dallime nga hikja e shqiptareve dhe strehimi ne Shqiperi I emigranteve qe nuk I pranojne vendet e zhvilluara. Ne shkojme ne vende te huaja per nje jete me te mire, per nje te ardhme dinjitoze per femijte. Ndersa te prinderit dhe mund te kthehen ne vendlindej….kur te behet Shqiperia, shumica e femijeve nuk besoj te kthehen. Nje pjese e shqiptareve (kryesisht te rinjte), kane shkuar te vetem dhe mundet dhe per nje kohe te shkurter, e do te kthehen….te tjere akoma jane klandestin e ne pritje te regullimit te qendrimit legal te tyre (ne se ju mundesohet). Te tjere nga brezi I ri kane shkuar per tu shkolluar e shume prej tyre kthehen, .
    Sidoqofte publiku nuk njeh shifrat reale te emigracionit shqiptar duke I paraqitur : sipas vendeve pritese, sipas viteve, sa jane naryralizuar, sa jane kthyer ne vite dhe sa (?) jane klandestine.
    Ka te huaj qe kane ardhur prej vitesh per pune ketu dhe nuk kam asnje vrejtje , e quaj normale . Ka qe vine e hikin duke e pasur vendin tone si nje trampoline. Ka qe vine per te jetuar ketu si pensionist,ju duhet dhene leje qendrimi paafat dhe lehtesira ligjore ne planin financiar e pronesor.
    Sot flitet e mohoet. se do krijohen kampe per ata qe bllokohen gjate tentatives per te vajtur ne BE, apo 2qe do kthehen prej vendeve te BE duke mos I pranuar. Eshte e qarte se ata nuk vine per Shqiperi si emigrant ekonomik apo se duan te jetojne ketu, kjo kategori per aq sa mund te mbsaj vendi edhe mund te pranohej. Por, po flitet per te tjere e nuk me duket normale dhe mund te krijoj shqetesime, madje me teper se sa do tu krijonte vendeve te BE, qe kane mjete,rend, pervoje e mundesi shume here me te madhe se ne.
    Keshtu qe eshte nje ceshtje delikate qe nuk duhet pranuar,aq me teper me kushtin e “hapjes se negociatave”……

Leave a Reply

Your email address will not be published. Required fields are marked *



CLOSE
CLOSE
Pas