Aktualitet

Shkallë të reja tek diga e Liqenit, vendosen kangjellat dekorativë përgjatë shëtitores

Transformimi i Parkut të Liqenit nuk ndalet. Një pamje komplet e re për hyrjen te shëtitorja e Liqenit Artificial nga ana e Zoo Park, si pjesë e punimeve për rikualifikimin e digës. Më parë një rrëpirë balte, ndërsa tashmë është shndërruar në një infrastrukturë të re e praktike që mundëson krahas shkallëve, edhe kalimin me lehtësi të biçikletave dhe karrocave.

Infrastruktura e re e shkallëve mundëson tashmë kalimin edhe nga hyrja për te shëtitorja e digës nga ana e Zoo Park.



Ndërkohë, ka nisur puna për vendosjen e  kangjellave me elementë druri përgjatë shëtitores te diga, një masë e domosdoshme për të ndaluar kalimin e frekuentuesve te skarpati e për t’i orientuar drejt shkallëve.

Paralelisht, po vijon puna edhe nga punonjësit e APR mbjellja me bimësi dekorative përgjatë shëtitores  duke zbukuruar një nga zonat më të frekuentuara e të dashura të Parkut të Madh!

Ndërmarrjet e Bashkisë së Tiranës kanë riparuar pistën e vrapimit e cila do të ndihmojë jo vetëm ata që do të bëhen pjesë e Maratonës, por njëkohësisht edhe mijëra qytetarëve të cilët preferojnë vrapin në natyrë për një jetë më të shëndetshme.

Për herë të parë, Liqeni i Tiranës do të jetë pjesë edhe e Maratonës së Tiranës, ku vrapuesit nga 40 vende të ndryshme të botës do të kalojnë.

<
>
Liqeni (1) Liqeni (2) Liqeni (3) Liqeni (4) Liqeni (5) Liqeni (6) Liqeni (7) Liqeni (8) Liqeni (9)
PasPara

Leave a Reply

Your email address will not be published. Required fields are marked *



CLOSE
CLOSE
Pas