Bota, Kryesore

SHBA, zyrtarët federalë: 30 mijë banda kriminale me 1 milionë anëtarë

Zonat në qendër të qytetit janë një fushë beteje mes bandave rivale të rrugës që luftojnë për të fituar terren dhe për grabitjen e banorëve. Zyrtarët amerikanë thonë se bandat janë përgjegjëse për gjysmën e vrasjeve në Çikago dhe Los Anxhelos dhe 13 për qind të vrasjeve në shkallë kombëtare. Shumë banda kanë lidhje me kartelet ndërkombëtare, dhe paratë e drogës dhe armët ushqejnë dhunën që vazhdon:

Helikopterët dhe makinat patrulluese shihen shpesh në jug të Los Anxhelosit dhe në qytetet fqinje si Compton, ku Daren Diviak punon për Operacionin “Rrugët e Sigurta”, një zyrë e Departamentit të Sherifit të Los Anxhelosit.



Ai i kujton përditë kolegët që ka humbur nga dhuna…dhe thotë se bandat e sotme janë edhe më të dhunshme dhe më të armatosura.

“Tregtia e drogës është fitimprurëse, kështu që ata marrin para dhe blejnë armë shumë më të mira”, – thotë lejtnant Daren Diviak.

Bandat shesin metamfetaminë, kokainë dhe heroinë dhe paguajnë taksat ndaj karteleve.

Pothuajse çdo rrugë ka fraksionin e vet të bandës.

“Fruit Town Piru operon në këtë pjesë dhe në verilindje. Tree Top Piru, është më në jug.”

Anëtarët e bandave shënojnë kufirin e tyre me graffiti, duke sfiduar bandat rivale.

“Këtu patëm një vrasje javën e kaluar ku u qëllua dhe u vra një i ri. Ata e ndoqën dhe e vranë. Dhe kur vranë atë, banda qëlloi një vajzë të re në fytyrë.”

Të patrullosh këtu shpesh do të thotë të sigurosh që grindjet në lagje të mos shkallëzohen.

Por kërcënimi kryesor vjen nga bandat e organizuara dhe familjet që gjenden në mes të përballjeve të tyre.

Zakonisht është qetë gjatë ditës, por jo natën.

“Ata presin, dëgjojnë të shtëna gjatë natës, dhe kanë frikë të shohin nga dritaret”.

Bandat e dhunshme si “Barrio 18” dhe “MS-13”, “Crips dhe Bloods”, kanë filluar të gjitha në Los Anxhelos. Tani, ato janë ndërkombëtare.

Sipas zyrtarëve federalë dhe të zbatimit të ligjit, në Shtetet e Bashkuara ka më shumë se 30,000 banda kriminale, përfshirë bandat e burgjeve, me më shumë se një milion anëtarë. Problemi po prek gjithnjë e më shumë qytetet e vogla dhe komunitetet rurale, por bandat janë më vdekjeprurëse në brendësi të qytetit./VOA/

PasPara

Leave a Reply

Your email address will not be published. Required fields are marked *



Pas