Bota

Sëmundja misterioze prek pasagjerët, avioni nga Dubai futet në karantinë

Një aeroplan që mbërriti nga Dubai ndodhet në karantinë në aeroportin JFK të Nju Jorkut pas njoftimeve se një sëmundje misterioze ka prekur disa pasagjerë.

Në njoftimet fillestare u tha se numri i personave të sëmurë që udhëtonin me linjën Emirates ishte rreth 100, por deklaratat pasuese nga kompania e kanë ulur atë në 10. Rrjeti televiziv ABC News raportoi se tre persona janë dërguar në spital.



Administrata e presidentit Trump tha se po e mbikqyr incidentin.

“Jemi duke e monitoruar situatën dhe Presidenti po informohet me të rejat rreth situatës sapo ato janë në dispozicion”, tha zëvendës sekretarja e shtypit e Shtëpisë së Bardhë, Lindsay Walters.

Linja ajrore Emirates bëri të ditur se udhëtarët janë nën kujdesin e autoriteteve lokale shëndetësore. Disa pasagjerë kanë postuar imazhe të makinave të policisë dhe ambulancave të rreshtuara në pistën e aeroportit si dhe veten duke matur temperaturën e trupit. Aktualisht aeroplani po mbahet larg terminalit të pasagjerëve. VOA

PasPara

Leave a Reply

Your email address will not be published. Required fields are marked *



CLOSE
CLOSE
Pas