Humor

Pse bëhemi agresivë në timon? Historia e këtij shqiptari po bën xhiron e rrjetit







               Publikuar në : 13:40 - 18/03/18 |
mapo.al

Njerëzit në përgjithësi bëhen shumë agresivë kur janë në timon.


Rasti i një shqiptari në Gjermani ka bërë xhiron e rrjetit në këtë vend.

Policia u njoftua në rajonin e Irschenberg-ut për një sherr masiv.

Pasi panë pamjet e kamerave dhe morën dëshmitë, ata zbardhën ngjarjen e çuditshme.

Një çift italian kishte ndaluar për të furnizuar makinën tek një pikë karburanti.

Gruaja, që ishte në timon, ishte futur brenda në dyqan për pagesën dhe po vononte të dilte.

Personi që e shoqëronte, një 26-vjeçar, po priste në makinë duke luajtur në celular.

Pasi kaluan shtatë minuta pritje, durimi i shoferit që po priste radhën për furnizim, mori fund.

Bëhet fjalë për një shqiptar 47-vjeçar. Ai doli nga makina, trokiti mbi kofano dhe i bëri me shenjë që të largohej pasi nuk priste më.

Italiani doli nga makina dhe e shtyu fuqishëm. Të dy nisën të shtyheshin.

Babai i shqiptarit, një pensionist 75-vjeçar që po vizitonte djalin në Gjermani, doli për të ndihmuar të birin, por italiani mori një shkop dhe e goditi pensionistin në kokë, duke i shkaktuar plagë.

Si pasojë, babai dhe djali i larguan.

Italiania u kthye dhe u ul në timon.

Por përpara se të largoheshin, shqiptarët u kthyen me përforcime, këtë herë me një të njohurin e tyre 52-vjeçar.

Ata nisën të godasin italianin, duke tentuar fillimisht ta nxjerrin nga makina.

Mes tyre nisi sërish një sherr i madh.

Policia mbërriti dhe ndau gjërat.

Palët thanë se nuk do ngrenë padi. Ata nuk pranuan as një trajtim mjekësor.

Megjithatë policia u mori nga një garanci atyre.



CLOSE
CLOSE
Pas