Kryesore

Prokuroria nis lëvizjet për Admir Thanzën: Po kryejmë verifikime

Një ditë pas iu zbulua në përballjen me KPK dënimi që kishte fshehur në Itali dhe problemet me deklarimin e pasurisë, Prokuroria e Përgjithshme ka nisur sot hetimet për gjyqtarin e Gjykatës së Lartë, Admir Thanza.

Mësohet se hetimi ka nisur nga Seksioni i Dekriminalizimit në organin e akuzës, pasi gjyqtari Thanza akuzohet për deklarim të rremë në formularin e vetëdeklarimit.



ONM i zbuloi dje dënimin në Itali për vjedhje, që Thanza e kishte fshehur në formularin e tij të dekriminalizimit, duke mos e raportuar.

Po dje, ai u mbrojt duke thënë se nuk ka lidhje me veprën në fjalë, por e ka marrë përsipër veprimin e kunatës për të mbrojtur nipin e sëmurë, që sipas tij duhet të kurohej në Itali.

Deklarata e plote e Prokurorise se Pergjithshme 

Drejtoria e Marrëdhënieve Juridiksionale me Jashtë po vlerëson materialet dhe dokumentacionin e anëtarit të Gjykatës së Lartë, gjyqtarit Admir Thanza për shkelje të ligjit Nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.

Administrimi i materialeve për hetimin kryesisht për fshehje apo deklarim të rremë filloi pasi Prokuroria e Përgjithshme u njoh me deklaratat në Komisionin e Pavarur të Kualifikimit të subjektit në rivlerësim, gjyqtarit Admir Thanza.

Pas administrimit të materialeve me të dhënat nga KPK dhe ILDKPI do të procedohet për vlerësim në Prokurorinë përkatëse.

PasPara

Leave a Reply

Your email address will not be published. Required fields are marked *



Pas