Editorial

Po, Janullatosit për President të Greqisë

artur zhejiNga Artur Zheji

Refuzimi zyrtar i Hirësisë së tij, kreut të Kishës Ortodokse Shqiptare, për të vijuar më tej negociatat drejt rrugës presidenciale në Republikën Greke, uroj dhe shpresoj të mos jetë përfundimtar. Sepse kjo do të ishte një zgjidhje ideale, për një ngërç shumëvjecar për Kishën Shqiptare. Për të kuptuar se sa i rëndësishëm ka qënë dhe është në të vërtetë roli  i Hirësisë së tij, për fqinjin tonë të rëndësishëm jugor, u kuptua dhe u zbardh nga oferta më e fundit e kabinetit të Kryeministrit Tsipras, që e fton Janullatosin, hic më pak, por për të veshur kostumin e pazakontë dhe të shquar, të Presidentit të Republikës Greke, në këtë moment kaq të vështira për atdheun.



Pra, Hirësia e tij, ftohet nga Kryeministri helen, si një përbashkues shpirtëror dhe institucional i të gjithë popullit grek. Padyshim, për vetitë e tija të larta, kulturore, fetare, morale, e pra, si një grek me “G” të madhe, i denjë për të drejtuar presidencën, pikërisht kur Greqia, sinqerisht ka nevojë për bijtë dhe pinjollët e vet më të mirë e më të devotshëm.

Dhe, ashtu si edhe e ka gjykuar me të drejtë kryeministri Tsipras, Hirësia e tij, është jashtë çdo dyshimi një grek i mirë, madje nga më të mirët dhe më të sprovuarit, që plotëson, pse jo,  të gjitha kriteret për të qenë qytetari i parë i Greqisë.

Është karizmatik, i ditur, fetar dhe mbi të gjitha besnikplotë i interesave, të kombit dhe shtetit grek. Padyshim, oferta e Tsipras për Janullatosin, është e qëlluar në disa plane.

Së pari, në sfondin e një patriotizmi sfidues, të shpallur apo të pashpallur ende plotësisht, të Qeverisë së re Greke, radikalizmi i Majtë, i SYRIZA-s, në program, në ngjyra, në reformat ekonomike stataliste apo në ngritjet lart të grushteve përshëndetëse, disi bolshevike, nuk e rrok dot frymën e një popullariteti gjithë përfshirës, për të cilat kryeministri i ri, ka, mesa duket ende nevojë. Për reformat e veta dhe përballjen e shpallur me Bashkimin Europian për cështjen e borxhit kolosal që Greqia detyrohet të shlyejë. Për të sfiduar me sukses kritikat jo të pakta që kanë filluar të breshërojnë andej këtej ndaj programit të tij.

Në mënyrë gjeniale, Tsipras, do të donte në krye të Shtetit, një klerik të lartë, me sprova të qarta patriotike, që simbas tij Hirësia e tij Janullatos i paska, për të thithur simpatinë e kockës së fortë ortodokse të popullit grek dhe për ta pasur kësisoj Presidentin, Janullatosi është zgjedhja e tij e parë, një “Noter Exellent”, që garanton besueshmërinë dhe trasversalitetin gjithë kombëtar, të fizionomisë së pushtetit të ri.

Çështja që shtrohet për ne shqiptarët, që e dinim dhe njëkohësisht ca syresh që bënin sikur nuk e dinin, apo që u interesonte të bënin sikur nuk e dinin, që Hirësia e tij, Kryepeshkopi zyrtar i Kishës Ortodokse Shqiptare, vlerësohet kaq lart nga bashkombasit e tij, për merita që i dimë dhe për merita që nuk i dimë, aq sa ti vendoset në një pjatë të artë, propozimi për President të Republikës Greke.

Sigurisht pra, për vlera dhe shërbime,  në dobi shumë të madhe e shumë të vlerësuar, për popullin dhe shtetin grek. Mirëpo Hirësia e tij, përveç  karrierës universitare dhe fetare dhe kulmit të mbërritur në Shqipëri, si kreu i kontestuar, i Kishës Ortodokse të Fan Nolit dhe Xhuvanit, nuk ka kulme te tjera.

Do të ishte krejt e pazakontë, për një njeri që zyrtarisht nuk ka bërë asnjëherë politikë, dhe që zyrtarisht nuk ka shërbyer kurrë për shtetin e një vendi, të kandidohej në krye të Shtetit. Por ja që Kryeministri Tsipras dhe ata që e këshillojnë atë, mendojnë ndryshe dhe kanë padyshim të drejtat e tyre…

Dhe rezulton pra, se ata, de facto, tanimë edhe de jure, mendojnë se Janullatos, paska bërë politikë në Shqipëri. Dhe unë personalisht, si gazetar dhe si ndjekës i vëmendshëm, prej sëpaku 30 vitesh i politikës në vendin tim,  jam krejtësisht dakort në këtë pikë me Kryeministrin helen.

Pikërisht, po aq sa ka qenë dhe është i papërshtatshëm, për Kishën Shqiptare Ortodokse, nëse besojmë, ashtu si unë dhe ca pak të tjerë që guxojnë të shprehen hapur në media, se ortodoksët në Shqipëri, në shumicë të tyre, janë Shqiptarë.

Duhet të pohoj në këtë rast edhe dyzimet e mia. Jo të gjitha parashtrimet që kam bërë, në lidhje me mospërputhjen problematike të funksionit të tij, në krye të Kishës Shqiptare, një Kishë , që në drejtimin e tij, ka humbur edhe atë pak vlerë autoktone që kish nga historia dhe kultura jonë kishëtare shqiptare,  jo të gjitha parashtrimet e mia pra, më janë dukur plotësisht të provueshme. Sepse në këtë rrumpallën tonë shtetërore, ku janë lejuar çakërqejf e pa vizion, ngritje e kostituime varrezash e monumentesh fetare, me prapavijë të kthjellët e të mirëlexueshme politike, ku kryekomunarë apo qeveritarë me biberon në gojë dhe zarfa të rënda plot evro në xhep, jepnin leje e lehtësira pa hesap, është e vështirë të dekriptosh qartësisht, figurën e plotë të këtij puzzle. Apo të këtij “pushtimi” me monumente kujtese, shpesh kujtesë e rreme.

Por, fatmirësisht, kryeministri grek, pasi i tërhoqi  veshin qeverive të mëparshme të Athinës, për tolerancë të tepruar ndaj Shqipërisë, në lidhje me Marrëveshjen e dështuar të Detit ndërmjet dy vendeve tona, pasi shpalli Linjën e vet të Kuqe, në lidhje me Shqipërinë, deklarata të cilat nuk tërhoqën fare vëmendjen e mediave dhe politikës së Fshatit Tonë, propozon  “Krypeshkopin tonë”, për President të Greqisë.

E pra, vërteton kësisoj me bollëk, shqetësimet e disave prej nesh, që prej vitesh themi se Hirësia e tij, Janullatosi, është një grek i mirë, madje një grek i shkëlqyer sipas zotit Tsipras, por, nënvizojnë ca si ne, jo një Kryepeshkop, nga ata që i duheshin dhe i duhen, një Kishe Ortodokse Autoqefale Shqiptare. Ku e përsëris, besimtarët shqiptarë ortodoksë, janë pjesë dërmuese.

Dhe kryeprovën për këtë mospërputhje, sapo na e ka dhënë orët e fundit, vetë kryeministri Tsipras me propozimin e tij ndaj Janullatosit, për poltronën e e lartë presidenciale të Republikës Greke.

Faleminderit, zoti Kryeministër dhe sukseset më të përzemërta zotit Janullatos.

PasPara

21 komente

  1. Argumente te medha! Ngelej pa thene edhe qe vete Zoti ndoshta do ndikoje ti falin te gjitha borxhet Greqise, dhe pse jo, edhe borxhe te reja po te marri, do i falen! Kjo fale hiresise se tij!

  2. Fakti qe Kryeministri I porsa emeruar grek, Tsipras, nuk “pranoi” te betohej ne prani te kryepeshkopit grek dhe per me teper propozimi I tij per janullatosin e VERTETON ME SE MIRI VEPRIMTARINE “FETARE” TE JANULLATOSIT NE SHQIPERI.
    PRA JANULLATOSI SI SHERBETOR I GREQISE BIZANTINE DHE SI ANTIFETAR E TREGOI QARTE POZITEN E TIJE POLITIKE PER GREQEZIMIN E SHQIPERISE; PRANDAJ TE SHPORET MENJEHRE NGA TOKA SHQIPTARE DUKE I PLOTESUAR EDHE DESHIREN E CIPRAS-KOMUNISTIT INTERNACIONALIST!!

  3. Mirë bëri kryeministri i ri që na hoqi çdo dyshim që mund të kishte dikush për klerikun Janullatas, nëse ai ,vërtetë, kishte ardhur nga anët tona për punë feje apo për Kalë Troje,për të shtuar grigjën e tij apo për të përdhosur varret shqiptare. Dreqi e merr vesh.Tani që kryeministri e dashka si President verteton më së miri gjithçka flitej e përflitej për të prej shumë vitesh.Po të ishte fetar i madh kryeministri ,atëherë , kjo do t’i shkonte për shtat , por një ateisti nuk ka çfarë i duhet një fetar si bashkëqeverisës.Janullatasi, për fatin e keq të të gjithë atyre që e besuan, na del se paska qënë politikan dhe ateist njëkohësisht, por, deri diku, i kamufluar.Po të shkonte, duhej ta festonim dhe të shpenzonim ca poçe prej balte duke i thyer ditën e nisjes së tij.Nga anët tona , ne i quajmë kotrova dhe sipas zakonit të vjeter duhen thyer , kur dikush ikën një ditë, edhe pse duhej të kishte ikur sapo erdhi ose të mos kishte ardhur kurrë.Kjo verteton se dija pa urtësi ,vetëm dreqit i hyn në punë.Përfundimisht, edhe nga unë e ka një PO të madhe.Le të bëhet president e çfarëdo tjetër në vendin e tij,por ne të mos kemi punë më me të.

  4. Një pikëpamje alternative:
    Gazeta greke “To Vima” (gaz. To Vima, 02/02/2015 23:32 | përditësimi i fundit: 03/02/2015 13:40),) ka publikuar lajmin e pakonfirmuar ende zyrtarisht nga qeveria greke e Syrizës për propozimin që kjo e fundit i ka bërë kreut të Kishës Ortodokse Autoqefale të Shqipërisë, Anastas Janullatosit, për të kandiduar për postin e Presidentit të Greqisë. Sipas së njëjtës gazet, ky propozim është bërë për shkak se “Kryepeshkopi i Shqipërisë është një person i veçantë, gëzon vlerësim të përgjithshëm, bëhet fjalë për një hierark të shquar, një ndër ekumenistët e Ortodoksisë, i cili do t’i japë një simbolizëm të veçantë zgjedhjeve presidenciale, do të bashkojë vendin…”. Kurrkund nuk përmendet dhe as nënkuptohet, në të vetmen gazetë që ka publikuar lajmin, se propozimi ka ardhur si rezultat i kontributit politik i Anastas Janullatosit. Gjithashtu, e njëjta gazetë konfirmon se në përzgjedhjen e kryepeshkopit të Shqipërisë “ka një rëndësi të veçantë fakti se qeveria e Syrizës po i shmanget diskutimeve për KANDIDATË NGA SPEKTRI POLITIK për postin e presidentit”.
    Ky fakt i fundit konfirmohet edhe nga një propozim tjetër i mëparshëm (gazeta “Protothema”, 02/10/2014, 17:00) që partia e Syrizës, nën parimin e presidentit jashtë politikës, i ka bërë një tjetër personi apolitik, me autoritet ndërkombëtar, znj. Hélène Ahrweiler. Ajo ka qenë rektore (1976-1981) e Universitetit Paris 1 Panthéon-Sorbonne, rektore e Akademisë së Parisit, e emëruar (1982) nga presidenti i Francës, François Mitterrand, dhe kancelare e të gjitha Universiteteve të Parisit deri më 1989. Gjithashtu, anëtare korrespondente e British Academy, Academy of Athens, Berlin-Brandenburg Academy of Sciences and Humanities, Bulgarian Academy of Sciences, dhe anëtare e Royal Academy of Belgium. Fituese e një numri të madh titujsh Honoris Causa dhe e dekorimeve nga qeveria Franceze si Légion d’honneur, Ordre national du Mérite, Ordre des Palmes académiques, Ordre des Arts et des Lettres.
    Sikundër bëhet e kuptueshme të dy personat e mësipërm të propozuar deri tani për kandidatë të postit të Presidentit të Greqisë JANË TËRËSISHT JASHTË FUSHËS POLITIKE, janë personalitete të mëdha botërisht për hir të kontributeve të tyre të padiskutueshme absolutisht jo në fushën politike.
    Po ashtu, vetë REFUZIMI I PRERË dhe sqarimi përkatës zyrtar, dhënë nga kryepeshkopi i Shqipërisë, Anastas Janullatos, “Hierarku orthodhoks ka një detyrë të caktuar kishtare. Ai nuk mund të marrë poste politike.”, hedh poshtë çdo hamendje mbi dëshirën apo mundësinë e përfshirjes së tij, dje, sot apo nesër, në fushën e politikës. Po i njëjti qëndrim i tij është botuar edhe në gazën si më sipër To Vima: “Sondazhi nuk ka dhënë rezultat” për shkak se “Kryepeshkopi i referohet grigjës së tij në Shqipëri dhe veprës sociale (jo politike) që realizon atje”.
    Sa më sipër, mund të shihen si një tregues i qartë i faktit se nuk ka nevojë të jesh as i zgjuar dhe as budalla për të kuptuar të vërtetën, kur ajo është e çliruar nga paragjykime të pabazuara, kur vjen si rezultat i kërkimit, faktimit dhe argumentimit dhe jo si brohoritje emocionale apo si tentativë për të interpretuar, sipas qejfit apo emocionalisht, situata që nuk faktohen të kenë lidhje me të vërtetën.

  5. ,, One way ticket ”, oh zot.sa me deshire do ti paguaja ketij te infiltruari Janullatos kete bilete njedrejtimeshe ,pergjithmone. For ever,no return.Si musliman Kosove,per respektin e vellezerve ortodokse dhe nje respekt te veqant per te paharruarin dhe shume te qmuarin Petro Nini Luarasi. Po ,per Nolin e shume ,e shume te tjere. Respekt.I Madh je zoteri Zheji.Do ti vinte shkelqimi vellezerve ortodokse.Sa me heret ,aq me mire.Sa per tinejxhera te tipit Tsipras, etj.mos te mendojne se gjermanet ( pjese e te ciles paguaj une nga financat ) do ti mbajne gjithmone, me imixhin e tyre tinejxhere,le ti mashtrojne vajzat greke se politikanet gjerman nuk mashtrohen.Nje shtet i ndertuar nga gjermanet (Oto von Bayern me 1820 siq duket po i vie fundi nga gjermanet ?! Me fe mbahet besimi ,jo shteti,e tendenca e fese eshte antishqiptare. PO MERRENI JANULLATOSIN,ju lutem sa me heret….pa shpenzime : )

  6. Kam pelqyer edhe shkrime te tjera te Zhejit si per stilin e persosur gazetaresk, ashtu edhe per forcen e llogjikes e te ironise, sic nuk me kane pelqyer disa shkrime te tij te fundit te ndikuara nga interesat politike.
    Por ne kete shkrim Zheji shkelqen me ironine e realizmin e tij.
    Eshte “nxituar” mesa duket cunaku politikan grek Tsipras, qe me kete kerkese per te bere president te Greqise Hiresine e tij, kryepeshkopin e kishes ortodokse shqiptare, e deklaroi publikisht se detyra e ketij ne Shqiperi paskej qene te mbronte jo Kishen ortodokse shqiptare, por interesat e shtetit grek.
    Me kete rast bien poshte te gjitha pretendimet e djallezuara apo qofte edhe iluzionet e filogrekeve shqiptare, se Janullatosit i dhemb shpirti per Shqiperine.

  7. Ky eshte nje delirant qe beson se dikush e degjon. Mbasi mbaroi punet me shqiperine tani do i jap mendje edhe greqise. Cfar turpi

  8. shoku zheji e qave me ramen e meten te cilit po i mbajne mbledhjet e qevrise pikerishte te sallat e hollet e kishes ortodokse.shoku zheji je bere si Pingpong.janatullosin deshi ta perzej Berisha siq futi ne burg negjmijen e komuniste te tjer ju i nxorret.

  9. DOJA TE PYESJA GAZETAR GJERGIN CFAR KA BERE AI ME TEPER PER SHQIPERIN SE SA ZOTI JANULLATOS ? VETEM INTRIGA ,LLAFE PA VUND ASGJE TJETER I KE DHENE VENDIT TEND FLALESHKRUES GJERGJI ,APO SI FRIKACAK KUR I MORE INTERVISTE ATIJ NAZISTIT GREK TE AGIMIT TE ARTE I MBUSHE BREKET DHE NUK E KUNDERSHTOVE DHE KUR AI BESHTYU MBI KOMBIN TONE DHE ZHGARRAVITI FLAMURIN TONE ,NDRYSHE NG ZOTI JANULLATOS KU ERDHI NE SHQIPERI KUR NE ISHIM SHUME TE VARFER I VETEM E PA FRIKE DUKE SHKUAR FSHAT ME FSHAT SI DHE SHEN KOZMAI NE KOHEN E ALI PASHAIT DUKE AFRUAR SA ME SHUME NJERZIT SI ATA MYSLIMAN APO TJETER FEJE PER TU BERE NJEREZ TE MIRE E TE SHKOLLUAR DUKE APUR SHKOLLA JO PER GREKET POR PER SHQIPTARET ,POR TI JE SHUME PAK JE NJE GAZETAR PA BYTHE ,TURP TE KESH NJE NJERI QE TE NDIHMON NUK KA RENDESI NGA ESHTE DHE KU BESON DUHET TA RESPEKTOSH ,NUK THEM TA DUASH KJOESHTE E DREJTA JUAJ ,MOS U BEJ SI GREKET QE PUNUAN E PASURUAN NE AMERIKE ,DHE TANI I SHAJNE AMERIKANET

  10. Oooo turi,po mjaft se u bere gaz i dynjase. Mire qe dhe ti pelqimin se neser Janullatos do behet president i greqise.Ty po te prisnin greket. Le nam o plako!

  11. Janullatosi ne shqiperi rri si mbret se kontrollon cobanet grekomane, dhe popullsine e pashkolluar e ka ne dore, po vajti ne greqi do ti duhet ti nenshtrohet ai kerkesave te politikes dhe kishes atje .kush e le nje karrige te tille?

  12. Kryepeshkopi i shqipris ZOTI JANULLATOS eshte nje ordhodoks qe di te pakten 12 gjuhe te botes ,dhe eshte kaq i zgjuar sa brenda 20 viteve ne shqiperi ndertoi nje marrdhenie miqesie ndermjet dy popujve SHqiptar -Grek ,luftoi varverin ,erdhi i vetem ne ate kohe qe ne kishim harruar apo nuk kishim pare kurre Prifterinj dhe Oxhallar ,pa pasur sasnje fonde ndihme nga asnje Qeveri ,por me deshire dhe butesi diti te ndertoj me qindra kisha dhe shkolla ,rruge ,spitale ,per ke? per Greket ? jo por per shqiptaret ,jo vetem keto gjera por me mencurin e tij dite te fitoj dhe respektin e Qeveritareve SHqiptar si ZOTI SALI BERISHA ,ILIR META DHE SA E SA TE TJERE njerez te ambasadave te shteteve te ndryshme te botes .Une jetoj ne Rodos te GREQIS 23 vjet ,DHE PER HERE TE PARE e kam pare dhe degjuar nga afer kur Zoti Janullatos erdhi ketu per ta bere qytetar nderi te ketij qyteti ,por sa bukur dhe sa mire fliste per SHqiperin e SHqiptaret duke ngitur lart vlerat dhe mikpritjen SHqiptare por dhe besnikrin qe kane Shqiptaret ,prandaj eshte turp te pakten per mua qe jam shqiptar dhe do vdes SHqiptare te mos e njohe mirenjojen dhe per kete Zote ,se me te vertete une e besoj se ai eshte nje njeri i perendis dhe asgje me shume se nje njeri qe di te degjoj te tere mysliman apo krishtere

    1. Ti nuk mund te jesh shqiptar.TI JE GERK LYPSAR DEMBEL DHE BY.. LEPIRES. Por kendej e tutje qe gerqia jote e gjeti vendin qe I takon:DEMBELE E LYPSARE DO TA SHIKOSH SE SA I PAFTYRE DHE ANTISHQIPTAR ESHTE JANULLUA ME GJITHE ATA SI TY!!

  13. Grek je ti ore cam i pa bese ,por une jam shqiptar den baba den ,por nuk jam si ju shkoni nga fryn era ,doni pasurit ne GREQI shume mire jane pronat tuaja qe tregojne se nga jeni ,por mos arroni te lini ne SHqiperin tone pronat qe keni mare tokat e shtepit qe keni privatizuar pa te drejte ,ju doni te hani me dy duar ,ne qoftese do merrni tokat tuaja ne Greqi duhet te lini tokat qe keni marre ketu ne shqiperi ,sa per dijeni une jam nga Kavaja DEN BABA DEN ,dhe e dua SHqiprin tone me shume se sa ju ,se asnje Came nuk mund te jete me patriot dhe SHqiptar se Kavajsit

    1. O ladi “kavajsi” !
      Ke komentuar disa here per kete shkrim te Zhejit e gjithe merakun e paske qe te qenka prekur njeriu tend i zemres, Janullatosi.
      Verej me keqardhje, se vec llogjikes kontradiktore qe shfaq ne reagimet e tepruara, ke nje nivel te ulet ne drejteshkrimin e gjuhes shqipe.
      Kur flet per “patriotizem”, puna e pare qe duhej te beje, do te ishte te mesoje te shkruaje mire gjuhen e nenes, gjuhen shqipe.
      Nuk me duket se as Zheji e as ndonje shqiptar tjeter te kete folur per Janullatosin duke ja mohuar vlerat e tij te dijeve ne gjuhe te huaja apo te besnikerise ndaj kishes ortodokse greke.
      Janullatosi padyshim duhet falenderuar qe na u gjend qe ne fillimet e permbysjes se diktatures komuniste, e te ringjallte kishen ortodokse, qe ashtu si besimet e tjera fetare ne Shqiperi, u masakruan nga regjimi komunist.
      Por sikur e teproi ca si shume, me kete “dashurine e madhe” per Shqiperine e per shqiptaret, duke e zaptuar Kishen ortodokse autoqefale shqiptare qe themeloi Fan Noli, kryesisht me klerike greke, e duke mos u shkulur nga kryesimi i kesaj kishe permbi dy dekada.
      Eshte ne te drejten tende qe t’ju jesh mirnjohes grekeve qe te paskeshin dhene nje kocke per te jetuar e te paskeshin bere gjysem analfabet ne gjuhen e nenes.
      Por nuk ke asnje te drejte te flasesh me urrejtje per bashkeatdhetaret tane came, se te paskeshin grabitur pronat tende ne Shqiperi
      E ditkerke se cfare masakrash bene grekerit ndaj popullsise shqiptare came, e ditkerke se atyre ju a rembyen jo vetem pronat, por edhe jeten, e haron te kujtohesh edhe sot qe qofte Janullatosi e qofte politikane apo klerike te kishes greke, nuk ju kane kerkuar se paku ndjese per ato masakra, e jo me qe t’ju a kthejne pronat e tyre.
      Qe ne shtetin ame te tyre ata gjeten mbeshtetje, dhe ju dha mundesia te jetojne si gjithe shqiptaret e tjere, eshte maskarrrallek ta komentosh se ata paskeshin ardhe ne Shqiperi te grabisin tokat tende, kur vete e pranon qe atyre ju muaren nga grekerit jo vetem tokat e stergjysherve te tyre, por ju a vrane edhe femijte ne barkun e nenes.
      E ke degjuar gjekundi Janullatosin tend mendje ndritur qe ti kerkoje shtetit grek qe te pranoje pamvaresine e Kosoves meqe qenka kaq i dashur me shqiptaret e kallepit tend ?
      E ke degjuar ndonjehere qe te dale publikisht e te denoje marrezine nacional-shoviniste te te ashtuquajturit Vorio-Epir, me pretendimin se gjysma e Shqiperise deri ne lumin Shkumbin eshte toke greke ?
      Qe te jesh “den baba den” me origjine nga nje krahine shqiptare, kjo nuk te ben medoemos “patriot” apo shqip atdhetar.
      Atdhetar eshte ai qe mbron interesat e gjithe bashkeatdhetareve te tij, e jo ai qe i gezohet ndonje kocke te hedhur nga masakruesit e kombit tend.
      Nuk dua te pergjithesoj me kete akuze gjithe popullin grek, por te keshilloj qe te vesh ne pune llogjiken qe te mos ngaterosh miresine e ndonje greku te thjeshte, apo edhe te shume intelektualeve greke, me hipokrizine e disa perfaqesuesve politike e fetare greke me mendesi nacional-shoviniste e urrejtje te rrenjosut ndaj shqiptareve.

      1. O lexues!te paktem une kam emer ndryshe nga ju,dhe kurre nuk kam thene se jame me shkolle te larte nje shofer i thjeshte isha dhe jame,por ju nuk mund te me fyeni mua duke me shkruajtur se me dhane Greket nje cope buke?Greket nuk me dhane buke e shkolle per femijet ,por e fitova vete buken me pune dhe djerse,gjithashtu dhe femijet e mi ,mesuan dhe shkuan ne shkolle te larte ne Greqi ,nuk kerkuam lemoshe askujt ,sa per Kryepeshkopin Janullatos une per here te pare e kam pare ketu ne Rodos ,kur erdhi per tu nderuar si qytetar nderi i ketij ishulli dhe e degjova vete se sa mire dhe respekt fliste e per shqiptaret qe jetojne ne SHQIPERI,me gjithese shume pyetjeve ambicioze te gazetareve grek,ai shume bukur dite te ngrej lart vlerat e popullit tone dhe ti binde se Shiptaret kane bese dhe jane nje popull mikprites ,une jame i krishterte por kjo nuk do te thote se jam GREK,dhe sa per dijeni une jame i martuar me myslimame dhe nuk kam koplekse fetare ,por i shikoj gjerat me syrin time ,dhe kjo eshte e drejta ime ,gjithashtu dhe e jotja te mendosh e te besosh ku te duash ,pak rendesi ka per mua se jame patriot apo atdhetar ,ka rendesi qe jame SHQIPTAR dhe kjo me bene te jeme krenar kudo qe jame ,me respekt nga Ladi

  14. UNE kam punuar ne zonat qe ju jetonit ne greqi ,dhe e kam pare se cfare kasapane ka beri greku familjeve te tua ne tere zonat qe jetonin Camerit ,dhe me te vertete me vjen shume keq ,ajo qe beri greku eshte per tu denuar ne gjykaten e ages per te shperblyer dhe per te kthyer pasurit tuaja te vjedhura ,sa per dijeni kam bere dhe krushqi me Came dhe nuk kam problem te them nje te vertet Janullatos eshte nje dhurate qe i dha ZOTI PER SHQIPERIN ,NE SHQIPTARET NUK JEMI BUKE SHKALE DIME TA NDEROJME MIKUN KUR TE VJEN NE SHTEPI

  15. Asnje nuk mund te akuzoj ne Shqiptaret qe punojme ne Greqi jemi grek ,jo se kam ndonje problem me greket ,por une jam SHqiptar dhe feja dhe vendi ku kalindur stergjyshi ime dhe ku u rrite babai ime dhe une nuk mund te ndryshohen kurre ,ne erdhem ne Greqi ne vitet eper veshtira te komunizmit flase per veten time jam arratisur ne greqi pa apur kufijt 5 dite pas hapjes te AMbasadave ne 2 korrik ,dhe greket me priten ne menyren me njerzore duke me cuar ne nje repart ushtarak bashke me greket ushtare ne Kalpaq ,ne erdhem ne greqi pa i pyetur ata na dhane buke ,pune ,shkolle per femijet ,por dhe na shfryrezuan por ne kurre nuk u perhulem ditem te ndrerojme vendin tone Shiperin dhe te jemi te respektuar ketu ne Greqi ,por une nuk mund te harroj fjalet e gjyshes time nga Leskoviku qe dhe ne SHqiptaret i kemi dhene buke dhe pune grekeve ne vitet e luftes civile ne greqi ,por Greket i kane harruar dhe nuk ja bejne te ditur te rinjeve ta dine se bota eshte portokalle dhe rrotullohet

Leave a Reply

Your email address will not be published. Required fields are marked *



CLOSE
CLOSE
Pas