Bota

PE vendos të ndëshkojë Hungarinë, pengesë bëhet Polonia

Parlamenti Europian votoi për të dënuar Hungarinë për goditjen nga ana e saj të institucioneve demokratike, duke nisur një proces që mund të çojë në përfundim në pezullimin e të drejtës së votës të këtij vendi në bllok.

Kjo është hera e parë që Parlamenti nis një proces disiplinor kundër një vendi anëtar, bazuar në “artikullin 7” të Traktatit europian, dhe tregon pakënaqësinë e thellë në disa pjesë të Europës për politikat e ndjekura nga ana e kryeministrit të vendit, Viktor Orban.



Votimi në Parlamentin Europian vjen 9 muaj pasi Komisioni përdori fuqitë e tij për të nisur të njëjtin proces kundër Polonisë. Procesi, që rrallëherë është përmendur, synon të ndalojë vendet anëtare të shkelin vlerat kyçe të BE-së.

Eurodeputetët e mbështetën votimin me 448 vota pro dhe 197 kundër. Por, Hungaria do të përballet me masa disiplinore vetëm nëse ato miratohen edhe nga liderët kombëtarë të vendeve anëtare, një lëvizje që gjithsesi pritet të bllokohet nga Polonia. Masat mund të përfshijnë pezullimin e Hungarisë nga e drejta për votë në Europë.

Votimi në Strasburg pasoi një raport nga eurodeputetja holandeze, Judith Sargentini, që ka shtuar shqetësimet në lidhje me erozionin e demokracisë në Hungari vitet e fundit, përfshirë raprezaljet mbi emigrantët, kufizimin e medieve dhe institucioneve akademike.

Përpara votimit, vet Orban kundërshtoi akuzat dhe u hodh në kundërsulm. “Ju po merrni një përgjegjësi të madhe, kur doni t’ vini vulën një vendi dhe të përjashtoni një popull”, tha ai, duke pretenduar se Hungaria po dënohet sepse nuk do që të ketë emigrantë.

PasPara

Leave a Reply

Your email address will not be published. Required fields are marked *



Pas