Kronika, Kryesore

Operacion antikanabis në Krujë/ Policia: Kush janë tre të arrestuarit…

Policia e Tiranës ka dhënë detaje për operacionin antikanabis të zhvilluar në Krujë, të cilin e njoftoi pasditen e djeshme në emisionin “Kjo javë” me Nisida Tufën në “News24”, Gjovalin Loka, kreu i Departamentit për Sigurinë në Policinë e Shtetit.

Pas një hetimi proaktiv disa mujor, në vijim të operacionit “Krasta 2” specialistët për Krimet në Komisariatin e Policisë Krujë asgjesuan 2,080 bimë Cannabis Sativa.



Në operacionin e përbashkët midis Komisariatit të Policisë Krujë, Prokurorisë së Rrethit Gjyqësor Krujë, Forcave Operacionale dhe FLO të Drejtorisë së Përgjithshme të Policisë së Shtetit., u bë e mundur arrestimi i tre personave.

Ata janë:

• Ferdjan Zalla 33 vjeç, banues në Krujë;
• Mondi Zalla 42 vjeç, banues në Fushë – Krujë;
• Arben Babasi 42 vjeç, banues në Fushë – Krujë.

Gjithashtu filloi procedimi penal në gjendje të lirë për shtetasin:

• G.Sh. 42 vjeç, banues në Krujë, për veprën penale “Moskallëzimi i krimit”.

Shtetasit e mësipërm, dyshohet se në bashkëpunim me njëri- tjetrin dhe me persona të tjerë (për të cilët vazhdon hetimi), në vendin e quajtur Krastë, kanë kultivuar në disa ambjente të hapura në brendësi të pyllit, rreth 2080 bimë narkotike Cannabis Sativa, të cilat u asgjesuan me anë të djegies.

Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale “Kultivimi i bimëve narkotike” në bashkëpunim në ngarkim të shtetasve F.Zalla, M.Zalla dhe A.Babasi parashikuar në nenin 284/ 3, 25 të Kodit Penal; “Moskallëzimi i krimit” në ngarkim të shtetasit G.Sh., parashikuar në nenin 300 të Kodit Penal.

PasPara

Leave a Reply

Your email address will not be published. Required fields are marked *



CLOSE
CLOSE
Pas