Kryesore, Politika

Negociatat, Ruçi: Si qeveria, edhe opozita është në test deri në qershor 2019

Në konferencën e tij të parë për shtyp pas konkluzioneve të Këshillit të BE-së për negociatat me Shqipërinë, kryeparlamentari Gramoz Ruçi e ka vlerësuar këtë si një vendim që na afron më pranë familjes europiane.

Ruçi është shprehur gjithashtu se, me vendimin e marrë, europianët kanë vlerësuar Reformën në Drejtësi që ka ndërmarrë Shqipëria, reformë e cila tashmë duhet të gjejë zbatim me ritme të shpejta.



Duke falënderuar dhe shprehur mirënjohje për vendet e BE-së, për vendimin në lidhje me hapjen e negociatave, Ruçi deklaroi se vendimi është i ngjashëm me atë për Malin e Zi.

“Negociatat mund të ishin hapur edhe sot, por ne duhet të sillemi si palë e denjë negociatore. Në qershor të vitit 2019 do të jepet edhe vendimi për hapjen e negociatave, një arritje që është meritë e të gjithëve”, theksoi në fjalën e tij Ruçi.

Sipas tij, tashmë qeveria dhe opozita së bashku janë në testim, ndërsa Këshilli i BE-së kërkoi realizim të shpejtë të Reformës në Drejtësi, ngritjen e SPAK-ut, Byrosë Kombëtare të Hetimit dhe zbatimin e rekomandimeve të OSBE-ODIHR-it për zgjedhjet.

Për këtë arritje, Gramoz Ruçi është shprehur se rolin kryesor e ka luajtur Kuvendi i Shqipërisë përgjatë të gjithë procesit të integrimit europian.

PasPara

Leave a Reply

Your email address will not be published. Required fields are marked *



CLOSE
CLOSE
Pas