Aktualitet

Në stok 23 mijë dosje në Gjykatën e Lartë, pa shqyrtuar ende çështjet e 2014-s

Nga viti në vit qytetarët jo vetëm nuk po gjejnë zgjidhje, por situata po përkeqësohet. TCh ka dhënë shpesh alarmin për zvarritjet që rëndojnë mbi interesat e qytetarëve. Megjithëse situata u trashëgua në këtë gjykatë gjatë 10 viteve të fundit, ku nga 9 mijë dosje që prisnin të shqyrtoheshin, tashmë gjithçka ka dalë jashtë kontrollit.

Aktualisht në këtë gjykatë janë nëntë gjyqtarë, ndërsa kolegjet marrin gjyqtarë borxh nga njëra-tjetra për të zhbllokuar. Në vitin 2017 stoku u rrit muaj pas muaji duke e futur Gjykatën e Lartë në gjendje kritike.



Aktualisht, Gjykata e Lartë numëron 11 mijë çështje të mbaruara që prej vitit 2016.

Arkiva e Gjykatës së Lartë është tejmbushur nga 20 mijë dosje që presin për t’u gjykuar.

Por stoku vijon në rritje edhe për 2018. deri në fund të muajit mars janë regjistruar si dosje në pritje për t’u shqyrtuar 23 mijë e 900. Kryesojnë civilet për të cilat pritet të gjykohen dosjet e dorëzuara në vitin 2014, më tej administrativet që i përkasin 2015 dhe penalet që janë në pritje për vitin 2016.

Me një llogari të thjeshtë, kushdo që dorëzon sot një rekurs civil apo administrativ, duhet të qëndrojë në radhë e të presë, ai do ta marrë drejtësinë në 2022.

Sabri Derka nga fshati Bubullime, u shpall fitues në proceset gjyqësore për mbi 90 metra toke në fshatin Bubullime, të cilën edhe pse e fitoi sipas ligjit 7501, ju rrëmbye me falsifikim. 70-vjeçari tashmë ndodhet në portat e Gjykatës së Lartë. I kanë thënë që duhet të presë, por ai nuk di nëse është aq jetëgjatë.

“Për të marrë ma morën shpejt tokën, për ta kthyer vonohen. Unë jam 70 vjeç, do vdes, nuk di sa do jetoj”, shprehet Sadri Derka

Derka ka udhëtuar me bashkëshorten, për t’iu lutur gjykatës që ta fusin në proces të përshpejtuar.

“Do fle këtu, s’kam ç’bëj. Do marr batanijen, nuk kam ku shkoj”, thotë Derka.

I moshuari po ndeshet me autoritetet prej vitesh për një rrip toke, që edhe pse e ka fituar me 7501 e kishte kthyer në rrugë lidhëse mes banesës dhe tokës bujqësore.

Por ndonëse i moshuari ka të drejtë, sipas dy shkallëve të tjera të gjykatës, rekursi i palës humbëse është dorëzuar në vitin 2018, që do të thotë se Sabri Derka, duhet të vijë katër vite më vonë në Gjykatën e Lartë për t’u njoftuar se kur do të jetë seanca e parë gjyqësore.

PasPara

Leave a Reply

Your email address will not be published. Required fields are marked *



CLOSE
CLOSE
Pas