Sociale

Në plazhet e Karaburunit; Turistët në kërkim të natyrës së paprekur

Nëse mund të flasim për një trend të vërtetë të pushimeve të kësaj vere në Vlorë ai lidhet me udhëtimet ditore në Karaburun dhe Sazan.

Anije, gomone dhe skafe nisen çdo ditë nga porti i Vlorës për në këto destinacione që nuk janë të reja, por vizitat në to shënohen si ditë për t’u mbajtur mend në kalendarin e pushimeve.



Me një pagesë 2 mijë lekë vajtje ardhje, pushuesit që vijnë nga vende të ndryshme të Europës, shijojnë bukuritë natyrore në këto zona ku dikur ishte e ndaluar të kalonim.

Është hera e tyre e parë në Vlorë dhe shprehen të mahnitur me plazhet e bukura dhe të virgjëra, detin, malin dhe ushqimin e Shqipërisë.
Gjiret e gadishullit të Karaburunit, Zhapovel, Shën vasil, Shën Jani, janë vetëm disa prej dhjetëra miniplazheve që drejtohen për tek shpella e Piratëve, ose e Haxhi Aliut.

Qëndruam dhe në ishullin e Sazanit për të cilin gjatë udhëtimit turistët mësuan edhe për historinë e tij. Qëndruam për pak edhe në plazhin e vetëm që ndodhet në lindje të ishullit.

Për t’u rikthyer në mbrëmje drejt Vlorës me anijet që çdo mëngjes nisen me pushuesit e radhës.

PasPara

Leave a Reply

Your email address will not be published. Required fields are marked *



Pas