Kryesore, Rajoni

Ndryshimi i kufijve, Shqiprim Arifi: “I vraftë buka” nëse përdorin politikisht Luginën

Një ditë pasi liderët e Komunës së Preshevës cituan një rezolutë për bashkimin me Kosovën, kryetari i kësaj komune, Shqiprim Arifi, ishte i ftuar në studion e Top Show.

Në një intervistë me Alban Dudushin, Arifi përforcoi qëndrimin për përfshirje të 3 komunave me Kosovën.



Lugina e Preshevës duhet t’i bashkangjitet në tërësi Kosovës. Ne nuk duam të rrezikojmë integritetin territorial të Kosovës. Ne jemi kundër shkëmbimit të territoreve në tryezën e liderëve në Bruksel,” deklaroi Arifi.

Ai ka deklaruar gjithashtu se Lugina e Preshevës, nuk duhet të përdoret politikisht nga partitë politike në Kosovë, por dhe në Serbi.

“Lugina, nëse bëhet kartë për t’u përdorur për politikë, atëherë ne i themi “i vraftë buka””– deklaroi Arifi.

Një ditë pasi Presidenti i Serbisë, Aleksandër Vuçiç zhvilloi vizitën e tij dyditore në Kosovë, Presidenti i Kosovës Hashim Thaçi takoi të hënën, përfaqësues të Luginës së Preshevës.

Gjatë takimit me Presidentin, përfaqësuesit propozuan që politikanë të Luginës së Preshevës të jenë pjesë e dialogut final Kosovë-Serbi.

Përfaqësuesit e Luginës së Preshevës, Medvegjes dhe Bujanocit, do t’i dorëzojnë së shpejti  institucioneve kosovare një draft rezolute, që këto zona t’i bashkëngjiten Kosovës.

PasPara

Leave a Reply

Your email address will not be published. Required fields are marked *



Pas