Kryesore, Sociale

Nami dje në fshatrat e Tiranës. 500 mijë lekë veshje dhe limuzina për maturën

Këto ditë po organizohen festat më të mëdha. Mbrëmjet e maturës janë kthyer në festa gala ku adoleshentët kanë shpenzuar shuma të mëdha për veshjet. Dje në mbrëmje janë zhvilluar shumë festa nga maturantët. Ne ndoqëm festën që zhvilluan gjimnazistët e zonave rurale të Tiranës në Ndroq.

E mes ngjyrave dhe shkëlqimit të rreth 100 të rinjve mbrëmja e maturës i ngjante një ngjarjeje gala.

“Ka paragjykime për shkollat e fshatit, por gjimnazi ynë renditet i treti prej disa vitesh për kartën e performancës”, shprehet Enkeleda Braja, drejtoresha e shkollës “Sadi Nuri”, në Ndroq.



Por si e kujton zysha mbrëmjen e saj të maturës. “Një mbrëmje e thjeshtë në konvikt, por shumë e bukur që e kujtoj edhe sot”, shprehet ajo.

Pas shkëlqimit fshihen edhe sakrifica që këta nxënës kanë bërë për shkollimin.

“Banoj në Pezë-Helmës dhe bëja përditë nga një orë në këmbë për të shkuar në shkollë”, shprehet një nxënëse. Përgjatë mbrëmjes u ndanë certifikata për nxënësit më të spikatur për rezultatet.

 

PasPara

Leave a Reply

Your email address will not be published. Required fields are marked *



CLOSE
CLOSE
Pas