Bota

Ministri norvegjez jep dorëheqjen për shkak të…gruas

Ministri i Transportit i Norvegjisë tha të enjten se largohet nga detyra, për të lejuar bashkëshorten që të vazhdojë karrierën e saj mjekësore.

“Ishte fantastike të jem ministër dhe, në fakt, mund të kisha vazhduar gjithë jetën time”, tha Ketil Solvik-Olsen, anëtar i Partisë “Progresi i Krahut të Djathtë”.



“Por unë kam ardhur në një udhëkryq në jetën time. Është radha e gruas sime për të ndjekur ëndrrën e saj. Është një marrëveshje që kemi pasur për disa vite”, u shpreh ai për “TV2 Nyhetskanalen”, duke shtuar se synon të kthehet në vijën e frontit të politikës në një fazë tjetër.

Ketil tha më tutje se gruaja e tij, Ton Solvik-Olsen, ka pranuar një detyrë në spitalin e fëmijëve në Shtetet e Bashkuara të Amerikës.

Përdoruesit e mediave sociale në Norvegji reaguan pozitivisht ndaj vendimit të tij, duke e quajtur veprim “të respektueshëm” dhe “një shembull të madh”.

Vendimi i Ketil Solvik-Olsen është mirëpritur edhe si një fitore për barazinë gjinore.

Forumi Ekonomik Botëror mbi barazinë midis burrave dhe grave e rendit Norvegjinë të dytën pas Islandës, gjithmonë në fokus të përpjekjeve globale të drejtësisë gjinore.

PasPara

Leave a Reply

Your email address will not be published. Required fields are marked *



Pas