Sport

Milan e humbet për një muaj, Biglian nuk luan as ndaj Juventusit

Fitorja emocionuese në minutat shtesë riktheu entuziazmin dhe i dha 3 pikë Milanit në Serie A, por ndoshta nuk do të mjaftojë për të larguar disi fantazmat.

Në një mbrëmje që korrespondoi edhe me festën e “shtrigave” (Halloween), skuadra kuqezi u imponua 2-1 ndaj Genoas, por gjithsesi me një faturë të kripur që shkon te lista e të dëmtuarve.



Milani iu bashkua Lazios në vendin e 4-t në renditjen e kampionatit italian, por humbi mesfushorin me shumë ndikim Lucas Biglia për të paktën një muaj. Trajneri Gattuso do të duhet të bëjë llogaritë pa futbollistin argjentinas, me këtë të fundit që pësoi një problem muskular në pulpën e djathtë.

Lucas Biglia nuk do të mund të jetë në dispozicion për superndeshejn ndaj Juventusit, më 11 nëntor, e rikthimi do të jetë pas pushimit në favor të kombëtareve.

Kështu, Milani privohet nga një tjetër lojtar, pas dëmtimit të rëndë të Caldarës, që mbylli sezonin para kohe pas problemeve me tendinën. Ndërkohë, në “bokse” mbetet edhe Calabria, për dëmtimin në kavilje, ndërsa për ndeshjen ndaj Udineses do të rikuperohet Bonaventura.

PasPara

Leave a Reply

Your email address will not be published. Required fields are marked *



CLOSE
CLOSE
Pas