Sport

Messi për rekord te Barcelona, ka fituar më shumë se kushdo

Lionel Messi nuk ishte protagonist në asnjë nga dy golat që i dhanë triumfin Barcelonës në Superkupën e Spanjës ndaj Sevillasë, por “Pleshti” po bëhet gjithmonë e më shumë pjesë e historisë së katalanëve.

Kështu me trofeun e fituar mbrëmjen e djeshme në Tanger të Marokut, Lionel Messi ka shkuar në kuotën e 33 trofeve të fituar me fanellën e Barcelonës, më shumë se çdo futbollist tjetër që ka veshur bluzën e skuadrës katalane.



Tashmë Messi ka një trofe më shumë se Andres Iniesta, i cili vendosi të largohet nga Barça në muajin maj dhe numëron 9 triumfe në La Liga, 4 në Champions League, 6 në Kupën e Mbretit, 8 në Superkupën e Spanjës, 3 në Superkupën Europiane dhe 3 në Botërorin e Klubeve.

Ylli argjentinas ka debutuar me Barcelonën në vitin 2004 dhe që atëherë ka zhvilluar 670 ndeshje në total, duke shënuar 563 gola, ndërsa ka fituar edhe 5 herë topin e Artë.

PasPara

Leave a Reply

Your email address will not be published. Required fields are marked *



CLOSE
CLOSE
Pas