Ekonomi

Mbyllja e bizneseve, reagon Tabaku: Ulin qepenat 45 në ditë prej taksave dhe korrupsionit

Deputetja e Partisë Demokratike, Jorida Tabaku, ka reaguar ditën e shtunë mbi situatën ku ndodhet sipërmarrja në vend. Përmes një postimi të shoqëruar me foto, Tabaku deklaron se qeveria, e cila mohon krizën ekonomike, duhet të marrë masa.

“E kemi dëgjuar qeverinë se si mohon krizën ekonomike dhe bizneset që mbyllen. Kjo foto e dëshmon qartë situatën e biznesit në vend një fakt kokëfortë që duhet të detyrojë qeverinë t’i thërrasë mendjes”, shkruan Tabaku.



Deputetja e opozitës shton se ritmi i mbylljes së aktiviteteve të sipërmarrjes është mjaft i lartë dhe se zgjidhje për këtë problem është propozimi i Partisë Demokratike për rikthimin e taksës së sheshtë.

“Këto biznese të mbyllura janë vetëm një pjesë e vogël e atyre që mbyllen në gjithë Shqipëri. Taksat e larta, korrupsioni dhe mungesa e vizionit shtyjnë 45 biznese në ditë të ulin qepenat. Taksa e sheshtë do të krijojë mundësi të reja biznesi dhe vende pune për shqiptarët!”, deklaroi Tabaku.

PasPara

Leave a Reply

Your email address will not be published. Required fields are marked *



CLOSE
CLOSE
Pas