Politika

Luan Rama citon Nolin, fshikullon kryeministrin: I paturpshëm…

Zëvendës kryetari i LSI-së, Luan Rama, ka akuzuar kryeministrin Edi Rama për paligjshmëri, paturpësi dhe papërgjegjshmëri në rastin e emërimit të ministrit të Brendshëm. Sipas tij, kryeministri ka shkelur Kushtetutën dhe i ka kërkuar edhe Presidentit ta shkelë.

Ai thotë më tej se mjaftojnë shembuj të tillë që miqtë, partnerët apo armiqtë të mos i marrin seriozisht shqiptarët.



Numri dy i LSI-së citon të madhin Fan Noli “Këtu i padituri i di të gjitha dhe i pazoti është i zoti për të gjitha”.

STATUSI I LUAN RAMËS:

“Paligjshmëri, paturpësi dhe papërgjegjshmëri!

E gjithë praktika e emërimit të Ministrit të Brendshëm mund të përcaktohet me këto tri fjalë: paligjshmëri, paturpësi dhe papërgjegjshmëri!
Sepse ai, Kryeministri pra, në rastin kur nuk u dekretua nga Presidenti i Republikës propozimi i tij i parë për emërimin e Ministrit të Brendshëm, deklaroi se është i vendosur t’i mësojë Kushtetutën Presidentit të Republikës, ndërkohë që me propozimin e dytë, në kushtet e paligjshmërisë flagrante, pasi pranon se e ka shkelur vetë Kushtetutën, i kërkon Presidentit që të bëjë të njëjtën gjë, pra që edhe Presidenti të shkelë Kushtetutën!

As më pak dhe as më shumë e gjitha kjo është një paturpësi dhe papërgjegjshmëri, që kur na shfaqet si qasje e Kryeministrit ndaj ligjit dhe ndaj Kushtetutës, është e paprecedentë dhe e patolerueshme!

Mjaftojnë edhe shembuj të tillë që të tjerët, miqtë, partnerët, por edhe ata që nuk na duan, jo vetëm të mos na konsiderojnë e të mos na marrin seriozisht, por të na quajnë me të drejtë qesharakë e karagjozë të pavlerë!

Ndaj e gjej me vend të kujtoj Fan Nolin kur thoshte se “kanë të drejtë dhe ata që qeshin, dhe ata që zemërohen. Se puna është për të qeshur dhe për të qarë…
…Këtu ambiciet janë pa fre e pa kufi. Këtu i padituri i di të gjitha dhe i pazoti është i zoti për të gjitha”.
Luan Rama Fb

PasPara

1 koment

  1. Keta te LSI-jane plera, po plera qe si mban anje kosh e asnje kazan.
    Une nuk e kuptoj kur thone qe ky apo ai shkeli kushtetuten.
    Se pari, presidenti nuk e tha asnjehere qe kishte problem papajtueshmerine e funksionit te gjeneralit, po asnjehere. Perkundrazi na tha se nuk kishte krijuar bindje!!!!!!! po cilen bindje? Ajo e shkembimiet te Fantit spathi (Lleshi) me ate te Derrit Mac (vitore tushaj)?
    Se dyti, Kryeministri propozoi nje person, i cili ne momenti qe do dekretohej, duhet ti kerkohej qe te hiqte dore nga statusi Gjeneral. Megjithese ai nuk e ka ushtruar fare kete pozite ne keta 6-7 vitet e fundit.
    Mesa duket LSI i ka ngelur Derri Mac ne dore, sepse Presidenti nuk ka nga ja mban,…. do ta derkretoje Lleshin (apo LLeshaj) dhe qe te dale si mut i lare me shurre, na nxerr keta zarat si ky Luani dhe ai Vasili, se me demek Presidenti nuk e shkeli kushtetuten, dhe Rama ky shkeles i madh duhet te jape doreheqen qe te vijne keta ne pushtet,…. pa vote keta…!
    O Pika qe sju bie, e mortja qe nuk i merr!

Leave a Reply

Your email address will not be published. Required fields are marked *



CLOSE
CLOSE
Pas