Kryesore, Politika

Lirimi i dy ish-deputetëve të PS-së, PD: Vendim politik!

Pasi Gjykata e Apelit për Krimet e Renda, liroi sot dy ish-deputetet e PS-së, Arben Ndoka dhe Arben Çuko, vjen reagimi i parë nga Partia Demokratike.

Sipas PD-së, ky nuk është vendimi i Gjykatës, por vendimi politik i Ramës. Mes të tjerash, selia “blu” thekson se, kjo është e njëjta skemë që ndoqi Rama për Tahirin.



“I arreston me bujë dhe i liron e ju mbyll dosjet në heshtje”,- thotë PD. Kujtojmë se, sot Apeli vendosi lehtësimin e masës për dy ish-deputetët që u arrestuan pas operacionit ‘Vol-Vo 4’, nga ‘arrest me burg’ në ‘arrest shtëpie’.

DEKLARATË E PARTISË DEMOKRATIKE

“Lirimi nga burgu i dy ish deputetëve të PS, Arben Ndoka dhe Arben Çuko nuk është një vendim i drejtësisë së pavarur, por është vendim politik i Edi Ramës! Kjo është e njëjta skemë që Edi Rama përdori me Saimir Tahirin për të mashtruar partnerët: i arreston me bujë dhe i liron e ju mbyll dosjet në heshtje.

Me lirimin nga burgu të numrit 1 të Partisë Socialiste në Lezhë, që sundon me dhunë, krim dhe korrupsion, u rikonfirmua bindja e opozitës dhe shumicës së shqiptarëve se Forca e Ligjit nuk ekziston në Shqipëri dhe se ata që blejnë vota për Edi Ramën, ata që vjedhin për pushtetin ilegjitim të Edi Ramës qëndrojnë mbi ligjin.

Kur të gjithë presin dhe kërkojnë arrestimin e Vangjush Dakos për blerjen e votave me bandat kriminale, Edi Rama urdhëron lirimin e Arben Ndokës, i kapur edhe ky në përgjimet e dosjes 339 duke blerë zgjedhjet e vitit 2017 në Lezhë. Askush nuk ka më ndonjë dyshim se operacionet e bujshme përdoren nga qeveria për të mbytur me zhurmën e propagandës skandalet dhe krimet e qeverisë së Edi Ramës.

Ndryshe nga cfarë kërkojnë shqiptarët dhe bëjnë thirrje partnerët tanë strategjikë, realiteti flet qartë: Me Edi Ramën nuk ka luftë të vërtetë kundër krimit dhe korrupsionit, me Edi Ramën stabiliteti është vetëm një fasadë! Për sa kohë vendi është nën sundimin e krimit, i cili qëndron bashkë me Edi Ramën në karrigen e kryeministrit, kriminelët dhe bashkëpunëtorët e tyre politikë presin rradhën e lirimit nga akuzat dhe mbylljes së dosjeve të krimit!”

PasPara

Leave a Reply

Your email address will not be published. Required fields are marked *



CLOSE
CLOSE
Pas