Dikur, Kryesore

Kur Enveri kërcënonte Jugosllavinë: Do shpoj tunel dhe do të thaj Ohrin!

Marrëdhëniet e Enver Hoxhës me udhëheqjen jugosllave kanë qenë nga më të çuditshmet. Gjatë Luftës Nacional Çlirimtare, Partia Komuniste e Jugosllavisë dërgoi përfaqësuesit e saj në Shqipëri dhe tashmë është i njohur fakti se ata ndihmuan në krijimin e PKSH-së dhe në vendosjen në krye të saj Enver Hoxhën.

enceri



Këto marrëdhënie vazhduan edhe pas luftës e madje u shtrinë edhe në sektorin e ekonomisë. Por qëllimi i PKJ ishte që ta kthente ekonominë shqiptare në varësinë e saj e përfundimisht edhe Shqipërinë në një nga republikat e federatës jugosllave.

Prishja e marrëdhënieve shqiptaro-jugosllave u shoqëruan edhe me arrestime, vrasje e pushkatime. Këto marrëdhënie nuk njohën më përmirësim pasi përfundimisht Enver Hoxha u lidh me BRSS dhe vendosi kontakte të ngushta miqësore me Stalinin. Pas kësaj periudhe Jugosllavia u shpall armike e Shqipërisë.

Por vendet fqinjë kanë edhe lidhje territoriale mes tyre. Nëse ndarjet territoriale nuk administrohen si duhet, atëherë paraqesin probleme…

Aktualisht Shqipëria po vuan një nga periudhat më të vështira në sistemin hidroenergjetik. Për shkak të verës së thatë, me temperatura të larta dhe pa reshje, niveli i liqeneve të kaskadës së Drinit që sigurojnë energjinë në vend, ka rënë shumë.

Vite të tilla të thata janë konstatuar edhe gjatë diktaturës. Në verën e një prej viteve më të thata Jugosllavia vendosi të mbyllë portat e liqenit të Ohrit nga i cili furnizohet lumi Drin. Por përgjigja e udhëheqjes komuniste shqiptare ishte i menjëhershëm.

“Nëse Tito mbyll portat e Ohrit për Drinin atëherë unë do të shpoj një tunel në Qafëthanë dhe do ta thaj fare Ohrin”, ka kërcënuar Enver Hoxha.

Ky deklarim nuk ishte i rastësishëm. Burime nga arkivat bëjnë me dije se për këtë qëllim u thirr një grup i specialistëve më të njohur në vend të kësaj fushe të cilëve iu kërkua një studim. Ky studim u përgatit në kohë rekord dhe iu paraqit diktatorit. Sipas këtij studimi, nëse shpohej një tunel në pjesën fundore të Qafëthanës, atëherë ai mund të thante krejtësisht ujin e Ohrit. Uji do të drejtohej për në shtratin e lumit Shkumbin.

Ky kërcënim iu bë me dije qeverisë së Beogradit dhe që nga ai moment Tito as që e çoi nëpër mend që të urdhëronte mbylljen e portave të Ohrit.

/konica.al/

PasPara

2 komente

  1. Ishte se’cishte historia i ka vulos bemat e Tija me rrenje ne taban.Askush nuk mundet ti ndryshoje sa do llafazane dhe intagjore te behen politikanet dhe politika.Jo vetem arkivat e mbrendeshme e favorizojne pozitivisht qendrimet e Tija por ato te huaja po tregohen ma kryenejce ne favor te bemave te Tija.
    Sa ishte gjalle i shkerdhej nenat te gjithe kundershtarve te cfaredo kalibrit qe te ishin.Qe nga pushkaliqe shtogu qe luajne kalamajt me mbushje kokerdhie dhenesh e dhish e deri ne armet e cfarosjes ne mase berthamore.-

  2. Kjo ndodhi, qe shkruhet ne kete shkrim, eshte e vertete.
    Keshtu ka ndodhur.
    Pa pike e pa presje.
    Diskutohej ne kete kohe, edhe per rregjimin e ujrave te liqenit te Shkodres dhe te Bunes.
    Gjithe kundershtite e pales jugosllave, rane pernjihere,mkur i u permend tuneli i qafe Thanes.
    Ngjarja eshte reale.

Leave a Reply

Your email address will not be published. Required fields are marked *



CLOSE
CLOSE
Pas