Bota

“Kthehuni andej nga keni ardhur”, një reality show për emigrantët

Reality show i ri që nis në Poloni këtë vjeshtë do të sjellë një ide të parrahur me parë: pjesëmarrësit e tij do të udhëtojnë bashkë me emigrantët përgjatë gjithë rrugës së tyre në Europë duke përfunduar në Irak.

“Kthehuni andej nga keni ardhur”, është titulli i show-t në të cilin 6 persona do te jetojnë për pothuajse një muaj si refugjatë dhe me refugjatët.



Ata, sipas televizionit TVN, do të udhëtojnë vetëm me pasaporta, një dorë parash e telefonat celularë përmes Gjermanisë, Austrisë, Hungarisë e Serbisë përpara se të mbërrijnë në Greqi ku do të ngjiten ne bordin e një anijeje që do të përshkojë Mesdheun. Pjesëmarrësit do të qëndrojnë ca kohë edhe në një kamp refugjatësh dhe do ta përfundojnë udhëtimin e tyre në rajonin kurd të Irakut.

6 shtetasit polakë të përzgjedhur për këtë eksperiencë të rrallë e të vështirë ndajnë mendime të ndryshme mbi krizën e emigracionit, por një gjë është e sigurt sipas rrjetit organizues: ky ka për të qenë njëri prej udhëtimeve më të vështira të jetës së tyre.

Publiku do të pres e të shohë sesi do ta ndryshojë një rrugëtim i tillë këndvështrimin mbi pjesëmarrësit, por edhe nëse do t’ua prekë atyre vetë perceptimin që kanë për jetën.

Kritikët ndërkohë i kanë akuzuar producentët e “Go Back to Where You Came From” se po shfrytëzojnë vuajtjet e emigrantëve për përfitime komerciale.

PasPara

Leave a Reply

Your email address will not be published. Required fields are marked *



CLOSE
CLOSE
Pas