Kronika, Kryesore

Kërcënohet gjyqtari i Korçës dhe familja e tij, çfarë tha në polici…

Është kërcënuar me jetë mëngjesin e sotëm gjyqtari i Gjykatës së Shkallës së Parë në Korçë, Besnik Shehu. Mësohet se gjyqtari u kërcënua nga dy persona që ishin palë për një proces civil.

Sipas policisë, shtetasit Erin Myrtollari dhe Muhamet Hoxha kanë kërcënuar gjyqtarin dhe familjen e tij në një ambjent publik.



Gjyqtari Shehu ka bërë kallëzim në Komisariatin e Korçës, ku thotë se kërcënimi ndaj tij dhe familjes ka ardhur për shkak të detyrës.

Ndërkaq Policia e Korçës ka ndaluar dy autorët e dyshuar.

“Më datë 08.09.2018 në Komisariatin e Policisë Korçë, është paraqitur dhe ka bërë kallëzim shtetasi B.Sh, 54 vjeç, banues në Korçë, me detyrë gjyqtar pranë Gjykatës së Rrethit Gjyqësor Korçë, i cili ka deklaruar se për shkak të detyrës, për një çështje pronash që ka shqyrtuar në vitin 2016, është kanosur me fjalë në qytetin e Korçës, nga shtetasit M.H, 66 vjeç, banues në Korçë dhe E.M, 65 vjeç, banues në Porodinë-Korçë.

Shtetasit e mësipërm janë shoqëruar në Komisariat, ku janë kryer të gjitha veprimet proceduriale dhe në konsultim me Prokuroren e çështjes u proceduan në gjendje të lirë për veprën penale “Kanosja për shkak të detyrës” parashikuar nga neni 238 i Kodit Penal”, thuhet në njoftimin e policisë.

PasPara

Leave a Reply

Your email address will not be published. Required fields are marked *



CLOSE
CLOSE
Pas