Aktualitet

‘Jemi kaq të vegjël për të nisiur një Luftë të Tretrë sa…’, Mali i Zi ironi me deklaratën e Trumpit

Me një ironi të lehtë mes rreshtave, ministri i Jashtëm malazez i hodhi poshtë pretendimet e Donald Trumpit mbi agresivitetin e qytetarëve të vendit të tij.

“Nuk kemi asnjë qëllim që të nisim Luftën e Tretë Botërore. Jemi shumë të vegjël për ta bërë një gjë të tillë”, tha Srdjan Darmanoviç në një intervistë eksluzive për CNN.



Anëtari më i ri i NATO-s u kthye në qendër të vëmendjes kur shefi i Shtëpisë së Bardhë e përshkroi deri diku si rrezik gjatë një prononcimi për Tucker Carlsonin e Fox News-it të martën.

Moderatori e pyeti Presidentin amerikan përse Shtetet e Bashkuara duhet ta mbrojnë Malin e Zi ashtu siç e dikton neni 5 i traktatit të NATO-s.

Përgjigjja e Presidentit ra ndesh me veprimet e tij sepse jo më larg se gjatë samitit të aleancës në Bruksel javën e kaluar, ai vetë firmosi deklaratën që e mbështeste në mënyrë të veçantë nenin 5.

Mali i Zi iu bashkua aleancës në vitin 2017, në kundërshtim me vullnetin e Rusisë që vazhdon të ruajë marrëdhënie të ngushta me Serbinë fqinje. Qeveria malazeze e akuzon Moskën si orkestruesen e komplotit për grusht shteti që sysnonte pikërisht ta pengonte afrimin e vendit me NATO-n.

Komentet e Trumpit, sipas Darmanoviç, do të priten shumë mirë në kryeqytetin rus. Ato janë muzikë për veshët e rusëve, tha shefi i diplomacisë malazeze, por unë sërish besoj se neni 5 është i fortë si shkëmbi.

PasPara

Leave a Reply

Your email address will not be published. Required fields are marked *



CLOSE
CLOSE
Pas