Bota

Itali/ Zbulohet rreth 2 mln euro kokainë, i kishin fshehur në një shkëmb

Një sasi e madhe lënde narkotike është gjetur e fshehur në shkëmbinjtë e bregdetit të Siçilisë, në Itali.

Më konkretisht një çantë me 24 kilogramë kokainë, u gjet këtë të shtunë në territorin shkëmbor të komunës së Pantellerisë, në provincën e Trapanit, zonë e cila mund të arrihet vetëm përmes detit.



Lënda narkotike ishte futur brenda një çante që nuk lejon depërtimin e ujit si dhe ishte lidhur në një shkëmb.

Dyshohet se lënda narkotike e ndarë në 20 pako, kap një vlerë prej rreth 2 milionë euro dhe mendohet se ishte fshehur për t’u marrë nga trafikantët.

Kokaina u zbulua gjatë patrullimit në brigjet e Pantellerisë, ndërkohë që hetimet janë në vijim.

Dyshohet se lënda narkotike mund të ketë mbërritur nga Afrika, për tu shpërndarë në tregun italian.

PasPara

Leave a Reply

Your email address will not be published. Required fields are marked *



CLOSE
CLOSE
Pas