Aktualitet, Kryesore

I shpëtuan tmerrit nga zjarri në Athinë, strehohen në kampin e pushimit, mes tyre dhe dy shqiptarë…

Pak metra larg shtëpive të djegura nga zona ku kanë humbur jetën dhjetëra qytetarë, në një kamp pushimi, janë detyruar të strehohen shumë familje të dëmtuara, njerëz që kanë humbur shtëpinë e midis tyre edhe shqiptarë.

Gazetarja e “News24”, Ira Londo ka qenë në një nga kabinat ku janë strehuar disa shqiptarë, që ka humbur shtëpinë, dëshmitarë të asaj çfarë ndodhi e që rrëfejnë orët e tmerrit e të hënës në darkë, kur disa zona në Atikën perëndimore u përfshinë nga zjarri.



Rreth 25 familje shqiptare, banorë në fshatin Mati në Atika, që prej 2-3 ditësh po qëndrojnë në kamp. Orenditë, ndërresat, sende personale, gjithçka në shtëpitë e tyre, është djegur.

Ata rrëfejnë se menjëherë pas tragjedisë, shteti grek është solidarizuar dhe ka reaguar njësoj edhe për shtetasit grekë edhe për shqiptarët, duke u siguruar strehë, ushqim dhe rroba.

E megjithatë ata janë të shqetësuar për të ardhmen e tyre, sepse tashmë kanë mbetur në qiell të hapur. Ndërkaq, në kampe të tjera janë dëmtuar familje të tjera të dëmtuara./BW/

PasPara

Leave a Reply

Your email address will not be published. Required fields are marked *



CLOSE
CLOSE
Pas