Kryesore, Politika

Goditja ndaj Bajrëve, Rama lavdëron punën e prokurorisë, ish-ministri: Ja shqetësimi kryesor

Kryeministri Edi Rama reagoi pas lajmit se është goditur një nga bandat më të rrezikshme në vend. Në kohën kur prokuroria po kalon ditë të vështira, Rama lavdëroi punën e saj.

“Policia e Shtetit foli përsëri me forcën e vendosmërisë sonë në luftën kundër krimit. Forca e Ligjit prangosi rrjetin kriminal të Shkodrës pas një pune policore disamujore të shtrirë edhe jashtë vendit. Respekt dhe për vendosmërinë e Prokurorisë. Forca e Ligjit po përshkallëzohet,” shkruan Rama në rrjetet sociale.



Por ish-ministri i qeverisë së tij, Ylli Manjani nuk ndan të njëjtin mendim për punën e prokurorisë.

“Nuk është shqetësimi kryesor se çështja “Tahiri” apo “Shullazi” mbetën pa prokurorë. Gjenden gjithnjë prokurorë sa për të mbyllur proceset e nisura… Problemi madhor është se U SHKRI Prokuroria e Krimeve të Rënda, që përbëhej nga prokurorë specialë në luftë kundër krimeve të rënda!!!

Sot ky shërbim nuk ekziston më! As Arta dhe mikja e saj Donikë, nuk e bëjnë dot këtë detyrë. Përveç se nuk duan, as nuk dinë ta bëjnë! Nuk i kanë aftësitë e nevojshme. Mesazhi që shteti-pushtet i jep publikut është që : Nuk ka ndërmend të godasë krimet e rënda! Aq më pak të godasë krimin e organizuar në pushtet! Kjo është më e rënda që ka ndodhur!

Në fakt kishte kohë që kishte ndodhur, por këto ditë u bë e njohur publikisht. Fal me shnet reformës!” shkruan ai në FB.

PasPara

Leave a Reply

Your email address will not be published. Required fields are marked *



Pas