Shëndeti

Fruthi thyen rekordin në Europë, OBSH i bën apel shteteve të marrin masa

Rastet e fruthit në Evropë kanë shënuar një rekord të lartë sipas Organizatës Botërore të Shëndetësisë. Më shumë se 41 mijë persona janë infektuar në gjashtë muajt e parë të 2018-ës dhe 37 prej tyre kanë vdekur, njofton BBC. OBSH po i bën thirrje vendeve europiane të marrin masa.

Në Angli ka pasur 807 raste deri tani këtë vit. Shëndeti Publik në Angli tha se kjo ka ardhur pasi britanikëk kanë udhëtuar në vendet e Evropës ku ka pasur shpërthime.



Futhi është shumë infektues dhe shpërndahet gjatë kollitjes dhe tështitjes. Infeksioni zgjat deri në 10 ditë.

Ndërsa shumica e njerëzve shërohen plotësisht, tek disa kjo sëmundje mund të shkaktojë komplikime serioze si encefalit (infeksion dhe enjtje të trurit), meningjit, konvulsione, pneumoni, infeksion të mëlçisë )hepatit).

Vaksina MMR mund ta parandalojë infeksionin, por disa kërkime tashmë të diskretituara, të para 20 vjetëve, dolën në konkluzionin e gabuar se kjo vaksinë ishte e lidhur me autizmin dhe i ka ndaluar mjaft njerëz që të besojnë tek vaksina. Ai brez sot është ndër më të rrezikuarit.

Por, OBSH rekomandon që të gjithë fëmijët duhet të bëjnë vaksinën e fruthit në vitin e parë të lindjes dhe pastaj edhe para fillimit të shkollës.

Serbia dhe Ukraina janë ndër vendet me normat më të larta të kësaj sëmundjeje në Europë.

Image

 

PasPara

Leave a Reply

Your email address will not be published. Required fields are marked *



CLOSE
CLOSE
Pas