Kryesore, Media

Flet kreu i AMA-s: Pse e kthyem sinjalin analog… kërkesa për shkarkimin tim e padrejtë

I ftuar në rubrikën ‘Opinion’ në ‘News24’, kreu i AMA, Gentian Sala ka folur për procesin e dixhitalizimit si dhe pajisjen me dekodera për qytetarët. Sala tha se sinjali u rikthye pasi nuk ishte normale që qytetaret të qëndronin në radhë.

“Normalisht dixhitalizimi ka një background që mbështet në kuadrin ligjor. Në Tiranë kemi pasur një situatë më të pazakontë nga qytetarët për dekodera. Nuk është situatë normale që qytetarët të rrinë në radhë për të marrë nëj shërbim.



Ne morëm vendimin për të rikthyer sinjalin analog edhe për 4 muaj që situata të normalizohet dhe të shmangen radhët. Ne kishim një fushatë informimi prej dy vitesh, por duhet bërë më shumë për informimin e qytetarëve”,- tha ai.

Në lidhje me kërkesën për shkarkimin e tij nga 4 anëtarët të bordit, kreu i AMA tha se nuk është shkelur rregullorja dhe argumentet e 4 anëtarëve janë të padrejta.

“Sot kishim një mbledhje Bordi dhe zoti Sami Neza kërkoi këtë shkarkim. Unë nuk e shoh kur është shkelur rregullorja e bordit sepse nuk është mbledhur.

Nuk e kërkuan të hidhej në votim kërkesa sot por e shtynë dhe më pas dolën me një deklaratë. Mbledhja e bordit nuk bëhet për këto çështje.

Nuk ka asnjë shkelje në procesin e dixhitalizimit. AMA nuk merret me çështje administrative. Ata panë reagimin qytetar dhe reaguan, por argumentet më duken të padrejta”,- tha ai.

Kreu i AMA tha se nuk ka ndërhyrë politika në vendimin për rihapjen e sinjalit analog edhe për 4 muaj të tjera.

“Politika nuk ka ndërhyrë në këtë proces. Ne patëm një shqetësim jo normal nga qytetarët në Tiranë dhe Durrës.

Duhet të falënderojmë qeverinë për disa vendime që ka marrë për këtë proces. Janë dhënë mijëra dekodera falas për shtresat në nevojë si asnjë vend tjetër i rajonit”,- tha Sala.

PasPara

Leave a Reply

Your email address will not be published. Required fields are marked *



Pas