Bota

Fëmijës nuk i ulet temperatura, babai masakron mjekun

Prindi i një fëmije që u paraqit në spital me temperaturë të lartë ka plagosur rëndë me mjete të forta një prej mjekëve të urgjencës, pas debatit që lindi mes tyre sepse fëmijës nuk po i ulej temperatura.

Gazeta turke “Sabah” raporton se ngjarja e rëndë ka ndodhur këtë të mërkurë në qytetin Sanliurfa, në Turqi.



Gjatë mjekimit të fëmijës, mjeku Bahattin Ahmet Yalçin ka debatuar me babanë e pacientit me iniciale A.K. Në mes u fut personeli i sigurisë që mundësoi nxjerrjen jashtë spitalit të të afërmit.

Por A. K. raportohet se pasi hoqi një pllakë nga trotuari u fut sërish në ambientet e spitalit duke e qëlluar me të në kokë mjekun me të cilin kishte debatuar më herët.

Fotot e pllakës së thyer pas goditjes në kokë të mjekut dhe pamjet e Yalçin në gjak u shpërndanë gjerësisht në rrjetet sociale, në shenjë solidariteti me bluzat e bardha.

Agjencia turke e lajmeve “AA” raportoi se mjeku iu nënshtrua një operacioni dhe vazhdon të mbetet në gjendje kritike për jetën, ndërsa policia arrestoi autorin.

Ngjarja e rëndë është dënuar ashpër nga të gjitha shoqatat e mjekëve në Turqi.

 

<
>
1-49 2-46 3-37 5-32
PasPara

Leave a Reply

Your email address will not be published. Required fields are marked *



CLOSE
CLOSE
Pas