Sport

Falsifikime dokumentesh, ndërhyn prokuroria! Skandal me transferimin e Çinarit në Spanjë

Transferimi i Eraldo Çinarit në Spanjë te Deportivo Alavesh është bërë nëpërmjet falsifikimit të dokumenteve dhe për këtë çështje ka ndërhyrë edhe prokuroria e Shkodrës e cila po bën hetimet e rastit. Drejtuesit e klubit shkodran kanë bërë të ditur se transferimi lojtarit është I parregullt dhe se persona ende të paidentifikuar kanë falsifikuar dokumentacion dhe kanë përfituar shuma të cilat duhej të ishin derdhur në arkat e klubit.

Nëpërmjet një komunikate zyrtare, klubi i Vllaznisë ka shpjeguar rrethanat e një skandali të mirëfilltë, që hedh edhe më shumë hije dyshimi mbi mënyrën se si është vepruar në klubin Vllaznia gjatë vitit të fundit.



KOMUNIKATE PER SHTYP

KF Vllaznia përmes kësaj komunikate për shtyp dëshiron të sqarojë publikun në lidhje me situatën e futbollistit Erald Çinari.

Futbollisti Çinari pretendon të ketë firmosur një kontratë me klubin spanjoll Deportivo Alaves dhe ky e ka huazuar për një sezon tek skuadra kroate NK Istra 1861.

E vërteta është se deri me sot KF Vllaznia nuk ka arritur asnjë marrëveshje transferimi dhe huazimi me asnjë klub për futbollistin Erald Çinari.

KF Vllaznia ka patur vetëm një komunikim me Deportivo Alaves në fund të muajit maj 2018 ku i kërkon kohë për bisedime, për shkak të ristrukturimit të klubit. Më pas, me emërimin e administratorit të ri të klubit, z.Suad Lici, menjëherë i jemi drejtuar zyrtarisht klubit spanjoll duke i shprehur gatishmërinë për të negociuar për këtë transferim, duke i kujtuar njëkohësisht edhe klauzolën që lojtari Erald Çinari ka në kontratë për prishjen e parakohshme.

Në mënyre të çuditshme, klubi Deportivo Alaves është përgjigjur më date 1 gusht 2018 duke kujtuar se pretendimet e KF Vllaznia janë të kota sepse sipas tyre, “….Klubi i Futbollit “Vllaznia” kishte pranuar ofertën e tyre, kishte dërguar edhe numrin e llogarisë dhe se ishte bëre transferimi i shumës financiare ne llogarinë përkatëse.” Madje, klubi spanjoll shkon edhe me tej duke deklaruar se KF Vllaznia kishte konfirmuar marrjen e parave.

Të çuditur nga një reagim i tillë, me një shkresë të datës 2 gusht 2018 klubi “Vllaznia” pas verifikimit të të gjithë fakteve dhe dokumenteve, i është përgjigjur sërish Deportivo Alaves duke ia bërë të qartë se nga KF Vllaznia nuk ka dalë asnjë leje-kalimi apo marrëveshje transferimi për futbollistin Erald Çinari. Njëkohësisht i është kërkuar sjellja e të gjithë dokumenteve që sipas tyre ata posedojnë ne “komunikimin me KF Vllaznia”.

Pas pritjes disa ditë të ndonjë përgjigje nga klubi Deportivo Alaves, nuk ka ardhur asnjë e tillë.

Për ketë arsye, me date 8 gusht 2018 KF Vllaznia i ka nisur një tjetër shkrese klubit ne fjale duke i kërkuar edhe njëherë dokumentacionet dhe njëkohësisht edhe transfertën bankare të shumës së bërë për këtë transferim.

Por sërish asnjë reagim kur pas verifikimeve të bëra rezulton se numri i llogarisë i pretenduar nga spanjollët ku kanë bërë pagesën, është në Itali. Diçka absurde sepse KF Vllaznia jo vetëm që nuk ka asnjë numër llogarie jashtë territorit shqiptar, por edhe numri i llogarisë në fjalë nuk ekziston.

Lidhur me dokumentacionin e përcjellë nga Deportivo Alaves pranë Klubit Vllaznia për sportistin Çinari, na rezulton dokumentacion jo i lëshuar nga Klubi apo nga Bashkia Shkodër. Ka dokumentacion të pavërtetë dhe kemi dyshime te bazuara se mund te jete përdorur për qëllime jo të mira. Për këtë Bashkia Shkoder, kryetarja e Bashkisë i është drejtuar prokurorisë për hetim të mëtejshëm.

Ndërkohë, me datë 13 gusht 2018, klubi kroat NK Istra 1961 që pretendon se ka marrë në huazim futbollistin Erald Çinari, ka kërkuar që KF Vllaznia të ndërhynte në sistemin TMS te FIFA-s për të mbyllur transferimin e këtij futbollisti sipas rregullave të transferimit ndërkombëtar.

Të gjendur para këtij fakti, KF Vllaznia më datë 14 gusht 2018 i është përgjigjur me një shkrese zyrtare edhe klubit kroat duke i shpjeguar edhe këtij klubi se për futbollistin në fjalë nuk ka asnjë marrëveshje huazimi apo transferimi me asnjë klub.

Ne rrethana te tilla, KF Vllaznia ka njoftuar te dy klubet, Deportivo Alaves dhe NK Istra 1961 se do ta ankimojë këtë çështje ne FIFA dhe UEFA për bllokimin e ketij transferimi dhe për te kërkuar dëmshpërblim për demin qe i është shkaktuar klubit të futbollit “Vllaznia”.

KF Vllaznia

PasPara

Leave a Reply

Your email address will not be published. Required fields are marked *



CLOSE
CLOSE
Pas