Kryesore

“Faleminderit, e merituat”, ja bakshishi marramendës që la Ronaldo në resortin grek






               Publikuar në : 20:23 - 18/07/18 |
mapo.al

Kristiano Ronaldo ka festuar transferimin e tij nga Real Madrid te Juventus, duke lënë një bakshish shumë të madh për stafin që i kishte shërbyer në resortin grek ku po qëndronte në pritje të mbylljes së marrëveshjes me klubin italian.


Ylli portugez po qëndronte me familjarët e tij në resortin luksoz “Costa Navarino” në rajonin e Peloponezit pas eliminimit nga Kupa e Botës. Sipas “The Sun”, ai ka mbetur aq i kënaqur nga shërbimi që i kanë bërë në këtë resort turistik, duek e ndihmuar të evitonte edhe paparacët e shumtë gjatë kësaj periudhe, sa që ka lënë një çek të madh si bakshish për t’i falënderuar kur u largua drejt Italisë për t’u prezantuar si futbollisti i ri i Juventusit.

Ai ka lënë bakshish një shumë prej 20 mijë eurosh për punonjësit e hotelit dhe i ka kërkuar stafit drejtues të resortit që kjo shifër t’i shpërndahej në mënyrë të barabartë të gjithë punonjësve, në shenjë falënderimi për përkujdesjen ndaj tij.


Etiketa: , , ,

Pas