Kryesore, Sport

Eleni Foureira, shqiptarja që po shkëlqen për Qipron në Eurovision dhe lidhja e saj me futbollin!

Në Eurovision njihet me emrin Eleni Foureira.

2 ditë më parë u kualifikua në finalen e madhe të këtij edicioni që po zhvillohet në Lisbonë të Portugalisë pasi performanca e saj me këngën “Fuego” u vlerësua si një nga më të mirat e gjysmëfinales së parë duke ngritur peshë publikun e pranishëm në sallë, madje cilësohet si nga një nga favoritet për ta fituar Eurovisionin e këtij viti.



Pas shumë tentativash Entela Fureraj ia arriti qëllimit për të marrë pjesë në Eurovision dhe për të lënë shenjën e saj në këtë eveniment madhështor.

Po, Entela Fureraj, sepse ky është emri i vërtetë i 31-vjeçares nga Fieri që bashkë me familjen e saj emigroi drejt Greqisë kur ishte shumë e vogël.

Karrierën në muzikë e nisi në vitin 2007, por edhe pse tentoi për vite me rradhë për të përfaqësuar Greqinë në Eurovision, racizmi i shtetit helen ndaj një shqiptareje të suksesshme bëri që ajo të mos e fitonte asnjëherë këtë të drejtë.

Por në  shkurt të 2018-ës Entela u përzgjodh për të përfaqësuar Qipron në këtë edicion dhe si për ironi të fatit bukuroshja nga Fieri ia doli të kualifikohej në finale ndryshe nga Greqia që nuk do të jetë pjesë e finales së kësaj të shtune pasi u eliminua në gjysmëfinale.

Megjithatë pyetja që mund të ngrejnë të gjithë është se çfarë lidhje ka Eleni Foureira ose më saktë Entela Fureraj me sportin.

31-vjeçarja, që prej vitit 2016-të është në një lidhje me mbrojtësin spanjoll të Olympiacos Alberto Botia, me të cilin po përjeton një histori shumë të bukur dashurie, edhe pse për çështje privatësie të dy e mbajnë të fshehtë lidhjen që zgjat prej 2 vitesh duke mos postuar asnjë foto së bashku në rrjetet sociale./SuperSport

PasPara

Leave a Reply

Your email address will not be published. Required fields are marked *



CLOSE
CLOSE
Pas