Kryesore, Rajoni

Ekipi i ri negociator, Kosova përfshihet në Kuvend nën ethet e numrave, opozita e bojkoton…me përjashtim të një deputeti

Pas një ore e gjysme nga orari i paralajmëruar, nisi sot seanca e jashtëzakonshme në parlamentin e Kosovës. Seanca vjen pas kërkesës së kryeministrit Ramush Haradinaj, në lidhje propozimin e qeverisë së Kosovës për emërimin e Ekipit Negociator për Normalizimin e Marrëdhënieve në mes të Republikës së Kosovës dhe Republikës së Serbisë,

Sipas këtij propozimi, kryetari i NISMA-s, Fatmir Limaj do të jetë kryesues i ekipit negociator, ndërsa si anëtarë do të jetë deputetë të pozitës dhe opozitës, konkretisht: Enver Hoxhaj zëvendës-kryesues, dhe anëtarët Behgjet Pacolli, Dardan Gashi, Avni Arifi dhe Mahir Jagxhilar.



Ndërkohë, Lidhja Demokratike e Kosovës si dhe të gjitha partitë e tjera opozitare kanë bojkotuar seancën e jashtëzakonshme të Kuvendit të Kosovës.

Pavarësisht se LDK-ja e ka bojkotuar këtë seancë, deputetja e këtij subjekti opozitar, Teuta Rugova, është pare e pranishme në sallën e Kuvendit të Kosovës sipas mediave kosovare.

Në bllok nga mazhoranca kane qënë të pranishme të gjitha partite përfshi edhe deputetët e Listës Serbe

Pak para fillimit të seancës së jashtëzakonshme të Kuvendit të Kosovës për miratimin e ekipit negociator për dialogun me Serbinë, kryeministri i Kosovës Ramush Haradinaj, tha se Opozita duhet të jetë pjesëmarrëse në seancën për këtë rezolutë.

Haradinaj tha gjithashtu se nuk e ka të sigurt nëse i ka votat për ekipin negociator për dialogun me Serbinë, sipas Gazeta Express.

Aktualisht në sallë janë 61 deputetë

Presidenti i Kosovës, Hashim Thaçi dhe homologu i tij serb, Aleksandar Vuçiç do të zhvillojnë raundin e ri të bisedimeve më 7 shtator. Të dy presidentët, kohët e fundit kanë folur për mundësinë e korrigjimit të kufirit mes dy shteteve, e cila, sipas presidentit Thaçi, mund të jetë pjesë e marrëveshjes eventuale të paqes mes Prishtinës dhe Beogradit.

Thaçi është zotuar se në dialog do të flasë edhe për mundësinë e bashkëngjitjes së Preshevës, Medvegjës dhe Bujanocit me Kosovën. Dialogu mes Kosovës dhe Serbisë ka nisur më 2011. Bashkimi Evropian pret që në fund të këtij procesi të dyja shtetet të arrijnë marrëveshje për normalizimin e marrëdhënieve, e cila veç tjerash, ua hap perspektivën evropiane të dyja shteteve.

 

PasPara

Leave a Reply

Your email address will not be published. Required fields are marked *



CLOSE
CLOSE
Pas